एजेन्सी ।शनिवार भएको रोमाञ्चक इंग्लिस प्रिमियर लिगमा लेस्टर सिटी र म्यानचेष्टर युनाइटेडले अंक बाँडेका छन् । लेस्टरसिटिको मैदानमा युनाइटेडले दुई पटक अग्रता जोगउन नसक्दा २-२ को बराबरी खेल्दै अंक बाँडेको हो । खेल सकिन ५ मिनेट बाँकी छँदा जेमी भार्डीको प्रहार युनाइटेडका एक्सेल टुआनजेवेले आत्मघाती गोल गरे पछि लेस्टरसिटीले बराबरी गरेको थियो ।लेस्टरको किङ पावर स्टेडियममा भएको खेलको २३औं मिनेटमा मार्कुस रासफोर्डले ब्रुनो फर्नान्डेजको पासमा गोल गर्दै युनाइटेडलाई पहिले अग्रता दिलाए । ३१औं मिनेटमा हार्भे बार्नसले जेम्स म्याडिसनको पासमा लेस्टरका लागि बराबरी गोल फर्काए ।दोस्रो हाफमा पनि युनाइटेडले पहिले अग्रता लिए । ७९औं मिनेटमा ब्रुनो फर्नान्डेजले एडिसन कभानीको पासमा गोल गर्दै युनाइटेडलाई २-१ को अग्रता दिलाए ।

त्यो अग्रता पनि लामोसमय टिकेन र ८५औं एक्सेल टुआनजेवेले आत्मघाती गोल गरेपछि खेल २–२ गोलको बराबरीमा पुग्यो । । त्यसपछि खलेमा थप गोल नहुँदा दुवै टिमले अंक बाँडेका हुन् ।बराबरीपछि युनाइटेडले दोस्रो स्थानमा पुग्दै लिभरपुलसँग अंकदूरी २ मा झार्ने अवसर गुमायो ।युनाइटेडसँग अंक खोस्दै १५ खेलबाट २८ अंक जोडेको लेस्टर सिटी दोस्रो स्थानमै यथावत छ । १४ खेल कम खेलेको लिभरपुल ३१ अंकसहित शीर्ष स्थानमा छ ।१४ खेलबाट २७ अंक जोडेको युनाइटेड तेस्रो स्थानमा छ ।

लाेक कल्याणकारी