शिला पाण्डे ,बार्सिलोना, स्पेन। स्पेनमा क्रियाशील नेपालीहरूको अग्रणी सामाजिक संस्था पर्वत समाज स्पेनको आयोजनामा भव्य खुल्ला भलिबल प्रतियोगिता हुने भएको छ। प्रवासमा रहेका नेपाली समुदायबीच आपसी एकता, भ्रातृत्व र खेलकुदको विकास गर्ने उद्देश्यले यो प्रतियोगिता आयोजना गर्न लागिएको हो।नेपालको राष्ट्रिय खेल भलिबलको संरक्षण तथा प्रवासी भूमिमा नेपाली खेलाडीहरूको प्रतिभा प्रवर्द्धन गर्न यो प्रतियोगिता महत्त्वपूर्ण माध्यम बन्ने आयोजकले विश्वास लिएको छ।

प्रतियोगिताको तयारी तीव्र पारिएको र स्पेनका विभिन्न सहरहरूबाट नेपाली टिमहरूले सहभागिता जनाउने निश्चित भएको छ।नगद पुरस्कार युरोमा, विधागत सम्मान पनिप्रतियोगितालाई अत्यन्तै प्रतिस्पर्धी र उत्साहजनक बनाउन आयोजकले युरोमा आकर्षक नगद पुरस्कारको घोषणा गरेको छ। प्रतियोगिताको विजेता (प्रथम) हुने टिमले १६६६ युरो नगद, ट्रफी, मेडल र प्रमाणपत्र प्राप्त गर्नेछ। यसैगरी उपविजेता (द्वितीय) हुने टिमलाई ११११ युरो नगद, ट्रफी, मेडल र प्रमाणपत्र प्रदान गरिनेछ।यसका साथै प्रतियोगिता अवधिभर उत्कृष्ट प्रदर्शन गर्ने विधागत खेलाडीहरू (बेस्ट स्पाइकर, बेस्ट डिफेन्डर, बेस्ट सेटर र विधागत उत्कृष्ट खेलाडी) लाई पनि विशेष पुरस्कारले सम्मानित गरिने आयोजक समितिले जनाएको छ।टिम दर्ता शुल्क २५५ युरो तोकियोप्रतियोगितामा सहभागी हुन चाहने इच्छुक नेपाली भलिबल टोलीहरूका लागि टिम दर्ता प्रक्रिया खुल्ला गरिएको छ।

आयोजकका अनुसार प्रति टिम दर्ता शुल्क २५५ युरो तोकिएको छ। खेलहरू अन्तर्राष्ट्रिय खेल नियम र व्यावसायिक रेफ्रीहरूको रोहबरमा सञ्चालन हुनेछन्। टिम दर्ताको अन्तिम मिति र खेल तालिका (टाई-सिट) छिट्टै खेल उपसमिति मार्फत सार्वजनिक गरिनेछ।प्रतियोगिता हुने निश्चित मिति, समय र खेल मैदान (भेन्यू) को औपचारिक घोषणा केही दिनमा विशेष सूचना जारी गरी गरिने आयोजकले उल्लेख गरेको छ।पर्वत समाज स्पेनले स्पेनमा रहेका सम्पूर्ण नेपाली सङ्घ-संस्था, व्यावसायिक प्रतिनिधि, सञ्चारकर्मी तथा खेलप्रेमी आम नेपाली समुदायलाई खेल मैदानमा उपस्थित भई खेलाडीहरूको हौसला बढाउन र कार्यक्रमलाई ऐतिहासिक रूपमा सफल पारिदिन हार्दिक अपिल गरेको छ।

लाेक कल्याणकारी