पोखरा ।पाँच पटकको च्याम्पियन मनाङ मर्स्याङ्दी क्लब पोखरामा जारी १८ औं संस्करणको आहा! रारा गोल्डकप फुटबलको फाइनलमा प्रवेश गरेको छ ।पोखरा रंगशालामा भएको दोस्रो सेमिफाइनलमा साविक उपविजेता त्रिभुवन आर्मी क्लबलाई ३–२ गोल अन्तरले पराजित गर्दै मनाङ उपाधि नजिक पुगेको हो । मनाङको जितमा फ्लोरेन्टले ४औंमिनेटमा गोल गर्दै टिमलाई अग्रता दिलाए । २९ औं मिनेटमा अञ्जन बिष्टको पासलाई सुन्दर ‘टच’ दिँदै विमल रानाले मनाङको अग्रता दोब्बर बनाए ४१औं मिनेटमा आर्मीका नवयुग श्रेष्ठको पासमा भरत खवासले गोल फर्काउँदै खेललाई २-१ मा पुर्‍याए ।  ८१औं मिनेटमा मनाङका अञ्जन विष्टले विमल रानाको पासमा गोल गर्दै टिमलाई ३-१ को स्थितिमा पुर्‍याए ।लगत्तै ८२औं मिनेटमा आर्मीका देवकुमार लामाले अघिकै प्रकृतिमा गोल फर्काए पनि जितनिकाल्न सकेन।

दोश्रो हाल्फमा निकै आक्रामक रुपमा मैदान प्रवेश गरे पनि त्रिभुवन आर्मी क्लबले जित निकाल्न सकेन । मनाङसँग ३-२ ले स्तब्ध हुँदै साविक उपविजेता आर्मी सेमिफाइनलमै रोकिएको छ ।अब मनाङले उपाधिका नेपाल पुलिस क्लबसँग खेल्ने छ । फाइनल खेल शनिबार हुनेछ । पहिलो सेमिफाइनलमा साविक विजेता थ्री स्टार क्लबलाई ३–० गोलको फराकिलो अन्तरले पराजित गर्दै पुलिस उपाधि नजिक पुगिसकेको छ ।

लाेक कल्याणकारी