एजेन्सी ।बिहीबार राति युरोपा लिगको समूह ‘एफ’ को खेलमा आर्सनलले भिटोरियालाई ३–२ गोलअन्तरले पराजित गरेको हो । आर्सनलको जितमा परिवर्तित खेलाडी निकोलस पेपेले दुई गोल गरे । त्यस्तै, मार्टिनेलीले एक गोल गरे । भिटोरियाका लागि इडवार्ड र डुआर्ट डे सिल्भाले समान १–१ गोल गरे ।खेलको आठौं मिनेटमा नै भिटोरियाका लागि इडवार्डले गोल गर्दै अग्रता दिलाएका थिए । खेलको ३२ औं मिनेटमा मार्टिनेलीले गोल गर्दै आर्सनललाई १–१ गोलको बराबरीमा ल्याए । तर ३६औं मिनेटमा सिल्भाले गोल गरेपछि भिटोरिया पहिलो हाफसम्म २–१ गोलअन्तरले अघि रहेको थियो ।खेलको ७५ औं मिनेटमा मैदानमा प्रवेश गरेका पेपेले खेलको ८०औं मिनेटमा गोल गर्दै आर्सनललाई २–२ गोलको बराबरी दिलाएका थिए । अतिरिक्त समयमा फ्रिकिकबाट उत्कृष्ट गोल गर्दै पेपेले आर्सनललाई ३–२ गोलको जित दिलाए ।

त्यस्तै अर्को खेलमा समूह ‘एल’ को खेलमा युनाइटेडले पार्टिजन बेलग्रेडलाई १–० गोल अन्तरले पराजित गरेको हो । युनाइटेडको जितमा एन्थोनी मार्सियलले गोल गरे ।खेलको ४३ औं मिनेटमा युनाइटेडले पाएको पेनाल्टीको सदुपयोग गर्दै मार्सियलले गोल गरे । यो गोलसँगै युनाइटेडले पहिलो हाफसम्म १–० गोलको अग्रता बनाएको थियो । दोस्रो हाफमा पनि आफ्नो अग्रतालाई कायमै राख्दै युनाइटेडले जित निकालेको हो ।

लाेक कल्याणकारी