News Portal

    ताजा शिर्षकहरु

    चर्चित शिर्षकहरु

    Flash News खेलकुद पत्रपत्रिका पत्रपत्रिका बिशेष मुख्य समाचार राष्ट्रिय समाचार

    कास्कीलाई स्तब्ध पार्दै पर्वत सेमिफाइनलमा प्रवेश, अब गोरखासँग भिडन्त पक्का!

    गोबिन्द रिजाल।दशौँ राष्ट्रिय खेलकुद प्रतियोगिताका लागि पोखरा रंगशालामा जारी गण्डकी प्रदेशस्तरीय पुरुष फुटबल छनोट प्रतियोगितामा पर्वतले ऐतिहासिक सफलता हात पारेको छ। प्रतियोगिता अन्तर्गत भएको रोमाञ्चक खेलमा पर्वतले बलियो प्रतिद्वन्द्वी कास्कीलाई पराजित गर्दै सेमिफाइनलमा स्थान सुरक्षित गरेको हो। निर्धारित समयमा दुवै टोलीले १–१ गोलको बराबरी खेलेपछि खेलको निर्णय ट्राइब्रेकरबाट गरिएको थियो। निकै प्रतिस्पर्धात्मक ट्राइब्रेकरमा पर्वतले उत्कृष्ट प्रदर्शन गर्दै कास्कीलाई ४–२ गोलअन्तरले पराजित गर्‍यो।

    यस जितसँगै पर्वतले फुटबलमा कास्कीविरुद्ध पहिलो पटक जित निकाल्दै जिल्लाको खेलकुद इतिहासमा नयाँ कीर्तिमान कायम गरेको छ। कास्कीजस्तो बलियो टोलीलाई उसकै प्रदेशस्तरीय प्रतिस्पर्धामा हराउनु पर्वतका लागि निकै महत्वपूर्ण र गौरवपूर्ण उपलब्धि बनेको छ। ऐतिहासिक जितसँगै पर्वतको सेमिफाइनल यात्रा तय भएको छ। अब फाइनल प्रवेशका लागि पर्वतले गोरखासँग प्रतिस्पर्धा गर्नेछ। कास्कीविरुद्ध देखाएको उत्कृष्ट खेल र आत्मविश्वासलाई निरन्तरता दिँदै पर्वतले गोरखालाई पनि पराजित गर्ने अपेक्षा गरिएको कोच अर्जुन बस्यालले हाम्रो सूचनाकेन्द्र डटकमलाई बताउनु भयो।

    लाेक कल्याणकारी

    प्रतिक्रिया