सुचनाकेन्द्र संवाददाता प्रकाशित : २०७७/१२/९ गते
पर्वत= पर्वत उद्योग बाणिज्य संघको नयाँ नेतृत्व चयनका भएको निर्वाचनको मतगणना जारी रहेको छ । आज दिउँसोदेखि दुई ठाउँमा मत गणना गरिएको छ । अहिलेसम्म १४ सय ६९ मत गणना भएको छ ।
अझै झण्डै ६ सयको संख्यामा मतगणना बाँकी रहेको निर्वाचन अधिकारी विमल गौतमले जानकारी दिनुभयो । उहाँका अनुसार भोली विहान सम्म पुरै गणना सकेर मतपरिणाम सार्वजनिक गर्ने तयारी छ । अहिलेसम्म सार्वजनिक भएको १४६९ मत परिणाममा गोपि अधिकारीको अग्रता कायमै रहेको छ ।
अधिकारीको पक्षमा ७ सय ३७ मत प्राप्त भएको छ भने शिव शर्मा पौडेलको पक्षमा ६ सय ८५ मत प्राप्त भएको छ । दुई उम्मेदवार बीचको फरक ५२ मत रहेको छ । त्यस्तै महिला सदस्यमा देवि अधिकारी र माया गिरी अघि हुनुहुन्छ । अन्य सदस्यहरुमा मिश्रित परिणाम आएको छ ।
