पर्वत। पर्वत जेसीजले आफ्नो भावी कार्यक्रमकाे उदेश्य र याेजनाबारेमा जानकारी दिन आज पर्वत कुश्मा जेससी हलमा पत्रकार सम्मेलन गरेको छ। “कौशल र अवसरहरू: नयाँ युगको थालनी” भन्ने मूल नाराका साथ पर्वत जेसीसले जेसिस सप्ताह २०८२ यहि कार्तिक २९ गते देखि मसिंर ५ गते सम्म विभिन्न कार्यक्रम गरि मनाउने भएकाे छ । पर्वत जेसिसले बिगत देखिनै समाज र युवा नेतृत्व विकासका लागि विभिन्न अभियान सञ्चालन गर्दै आईरहेकाे छ ।
पत्रकार सम्मेलनमा अध्यक्ष जेसीज क्लवका अध्यक्ष निर्मल विश्वकर्माले जेसीजको आदर्शहरूलाई आत्मसाथ गर्दै स्थानीय सरकार, संघसंस्था तथा आम सञ्चार माध्यमहरूसँग समन्वय गरी समाजलाई सकारात्मक दिशातर्फ डोऱ्याउन जेसीजले निरन्तर प्रयास गर्ने प्रतिबद्धता व्यक्त गर्नुभएको छ।
पर्वत जेसीजले समाजका विभिन्न क्षेत्रका युवाहरूलाई नेतृत्व विकासको अवसर प्रदान गर्ने, उनीहरूको व्यक्तिगत क्षमता अभिवृद्धि गर्ने र नेतृत्व विकास सम्बन्धी कार्यक्रमहरूलाई प्राथमिकता दिने र समाजमा रहेका कमजोर वर्गको उत्थानका लागि पहल गर्ने जनाएको छ।
पत्रकार सम्मेलनमा पत्रकार महासङ्घ गण्डकी प्रदेश उपाध्यक्ष माया अधिकारी र पत्रकार तथा जेसिस मिडिया समंयाेजक लक्ष्मण विश्वकर्मा लगायतले शुभकामना मन्तव्य राख्दै पर्वत जेसीजको अभियानलाई सफलताको लागि शुभकामना व्यक्त गर्नुभयो।
जेसीस बर्ष २०२५ का अध्यक्ष अच्युत पाैडेलले जेसीजको उद्देश्य र भावी योजनाहरूमा प्रकाश पर्दै पत्रकारकाे जिज्ञासा मेटाउनु भएकाे थियाे ।
जेसिस बर्ष २०२५ का अध्यक्ष अच्युत पाैडेलकाे अध्यक्षतामा सम्पन्न कार्यक्रमको सञ्चालन महासचिव प्रवेश पुरीले गर्नुभएको थियो भने कार्यक्रमको उद्देश्य र समग्र जानकारी उपाध्यक्ष शर्मिला पौडेलले प्रस्तुत गर्नुभएको थियो साथै, जेसिस आस्था पाठ जेसी अर्जुन राज पुरीले गर्नुभएकाे थियाे ।
कार्यक्रमकाे यस प्रकार रहेका छन:
कार्तिक २९ गते विहान १०:३० वजे,समुद्घाटन कार्यक्रस र वक्तृत्व कला प्रतियोगिता,कार्तिक ३० गते विहान ८:०० वजे,लाघु-औषध र दुर्व्यसन सचेतना कार्यक्रम,मङ्सिर १ गते विहान ७:०० वजे,मैत्रीपूर्ण फुटवल प्रतियोगिता,मङ्सिर २ गते विहान ८:०० वजे,कम्प्युटर मर्मत तथा सामग्री हस्तान्तरण कार्यक्रम,मङ्सिर ३ : विहान ७:३० वजे,Jaycees बोर्ड स्थापना कार्यक्रम,मङ्सिर ४ गते ४:०० वजे,स्लो बाइक रेस प्रतियोगिता,मङ्सिर ५ गते बिहान१०:३० वजे, लोकनृत्य प्रतियोगिता र Jaycees सङ्गम कार्यक्रम 
