बागलुङ,सचिन्द्र श्रेष्ठ।देश भर चलेको जेन जीको रापले काठमाडौंमा जेन-जी आन्दोलनका क्रममा प्रहरीको गोली लागी बागलुङ बजार स्थाई घर भएका ३८ वर्षीय सौरन किशोर श्रेष्ठले गत भाद्र २३ मा ज्यान गुमाए। देशमा केही काम गरौं भन्ने सोचेर नै उनले पांच बर्ष द. कोरियाको जागिर छाडेर स्वदेश फर्किएका थिए। उनै सौरनको जेन्जी आन्दोलनमा प्रहरीले चलाएको गोली छातीमा लागेर मृत्यु भएको छ ।
परिवारका अनुसार सोमबार दिउँसो आन्दोलन हिंसात्मक भइरहेका बेला प्रहरीले चलाएको गोली सौरनको छाती,घाटीको भागमा लागेको थियो। घटनास्थलमै ढलेका उनलाई तत्कालै सिभिल अस्पताल लगिएको थियो ।

तर, अवस्था गम्भीर भएपछि उनलाई काठमाडौं मेडिकल कलेज शिक्षण अस्पताल पुर्याइएको थियो। राति चिकित्सकले मृत घोषणा गरेका थिए।दाईको यस्तो खबर सुनेर बहिनी स्वस्तिका श्रेष्ठ समेत नेपाल हिजोनै आएकी छिन। बागलुङ उद्योग बाणीज्य संघका पूर्ब महसचिब रहेका बसन्त किशोर श्रेष्ठका एक्ला छोरा थिए।

दक्षिण कोरियामा पाँच वर्ष काम गरेर नेपाल फर्किएका सौरनले यहीँ बसेर काम गर्ने योजना बनाएका थिए । तर यहाँको अवस्थाप्रति असन्तुष्ट हुँदै उनले फेरि विदेशमा रोजगारी खोज्ने तयारी समेत थालेका थिए । तर उनको सबै सपना अपूर्ण बनेको छ । जेन जी आन्दोलनसँगै उनको सपनाको पनि अन्त्य भएको छ ।

सौरन सँगै उनकी पत्नी, पाँच वर्षीय छोरा र बुवा आमा सँगै काठमाडौं बस्दै आएका थिए । केहि समय पहिले आमा बुवा अमेरिका गएको बेला उक्त घटना भएको थियो।हिजो मात्र मृतकका बुवा बसन्त स्वदेस फर्केका थिए।अहिले सौरनको निधनसँगै पत्नी र परिवार भावविह्वल बनेको छ । उनीहरुको साहरा गुमेको छ र बच्चा टुहिरो बनेका छन।

यो केवल एउटा घटना मात्र होइन, दशकौँको मौन पीडा र अन्याय,भ्रस्टाचार विरुद्धको सामूहिक विस्फोट थियो।यसलाई यसै खेर जान नदिने र राज्यले सहिद वा सम्मान गर्न आग्रह गरेको परिवारको भनाई छ।

लाेक कल्याणकारी