पर्वत । पर्वतको कुश्मा नगरपालिका–४ स्थित घुम्तीमा निर्माण गरिएको यात्रु प्रतिक्षालयको सोमबार उद्घाटन गरिएको छ ।
इनरह्वील क्लब अफ बालाजु काठमाडौंले इनरह्वील क्लब अफ पर्वतसँगको सहकार्यमा करिब दुई लाख रुपैयाँको लागतमा प्रतिक्षालय निर्माण गरिएको हो । घुम्तीबाट खुर्कोटतर्फ उक्लिने तथा बागलुङतर्फ प्रस्थान गर्ने मुख्य चोकमा यात्रु प्रतिक्षालय निर्माण गरिएको हो । विगतमा सामान्य चौतारीको रुपमा रहेको स्थानमा यात्रुहरुलाई सवारी कुर्न तथा ओर्लिएर बस्न समस्या भएपछि प्रतिक्षालय निर्माण गरिएको हो ।

उक्त प्रतिक्षालयको सोमबार एक कार्यक्रमकाबीच नेपाली काँग्रेस पर्वतका सभापति युवराज जोशीले उद्घाटन गर्नुभएको छ । सो अवसरमा बोल्दै नेता जोशीले क्लबको कामले आफूलाई खुसी मिलेको बताउँदै प्रतिक्षालय निर्माणमा योगदान गरेको इनरह्वील क्लबलाई आफूले पनि ५० हजार रुपैयाँ सहयोगको घोषणा गर्नुभएको छ । महिलाहरु मात्र मिलेर गरेको भौतिक पूर्वाधार निर्माणको प्रशंसा गदै सभापति जोशीले आगामाी दिनमा यसैगरी क्लबसँग जोडिन पाउने अपेक्षा समेत व्यक्त गर्नुभयो । राजनितिक हिसाव भन्दा पनि समाज सेवा गर्न पाउँदा आफूलाई आनन्द लाग्ने भएकाले आफूले समाजका बिभिन्न पक्षहरुमा सहयोग उपलब्ध गराउँदै आएको उहाँको भनाइ छ ।

यस्तै कुश्मा नगरपालिका–४ का वडाध्यक्ष दिनेश श्रेष्ठ, वडा नं. १४ का वडाध्यक्ष रुद्रमोहन रिमाल लगायतले इनरह्वील क्लबमा आवद्ध हुनुभएका महिलाहरुको सक्रियताबारे प्रशंसा गर्दै सामाजिक सहकार्यमा यस्तै अपेक्षा गरिएको बताउनुभयो । महिलालाई सिमित काममा मात्रै सिमित राखिएका प्रसङ्गकाबीच उच्चतम सामाजिक कार्यमा संलग्न भएको देख्नुले उनीहरु कमजोर छैनन भन्ने पुष्टि गरेको उहाँँहरुको भनाइ छ ।

सो अवसरमा बोल्दै इनरह्ीवल क्लब अफ बालाजु काठमाडौंकी अध्यक्ष मन्दिरा श्रेष्ठले पर्वतको क्लबसँग सहकार्य गरेर काम गर्न पाउँदा खुसी मिलेको बताउनुभयो । आफूहरुले विशुद्ध रुपमा सामाजिक सेवा गरिहेको बताउँदै उहाँले जीवनको केही न केही आम्दानी र केही न केही समय अरुका लागि समर्पित गर्नुपर्ने उहाँको भनाइ छ ।

श्रेष्ठकै अध्यक्षतामा भएको कार्यक्रममा इनरह्वील क्लब अफ पर्वतकी पूर्व अध्यक्ष अनिता सापकोटाले स्वागत मन्तब्य राख्नुभएको थियो । तुलसी बी पौडेलले क्लबको गीत बजाएर कार्यक्रमको सुरुवात र्गुभएको थियो भने कार्यक्रमको सञ्चालन क्लबकी सचिव लिला दवाडीले र धन्यवाद ज्ञापन सदस्य सदस्य सरस्वती शर्मा जिज्ञासुले राख्नुभएको थियो ।

सो अवसरमा बोल्दै इनरह्वील क्लब अफ पर्वतकी अध्यक्ष सुजाता बी पौडेलले आफूहरुसँग सहकार्य गरेकोमा बालाजु क्लबलाई धन्यवाद ज्ञापन गर्नुभयो । आफूहरुलाई सबै क्षेत्रबाट आवश्यक सहयोग भइरहेको भन्दै उहाँले आगामी दिनमा पनि क्लब सामाजिक कार्यहरुमा नै सक्रिय रहने बताउनुभएको छ ।

लाेक कल्याणकारी