सुचनाकेन्द्र संवाददाता प्रकाशित : २०८२/२/२६ गते
पर्वत । जिल्लाको कुश्मा नगरपालिका वडा न ८ दोविल्ला स्थित मध्यहाडी लोकमार्गमा बस र ट्रक एक आपसमा ठोकिँदा कम्तिमा १० जना घाइते भएका छन् । आज अपहन्न ग २ ख १०६६ नम्बरको बससंग प्र.२.०३.००१ ख १३८२ नम्बरको मालबहाक ट्रक आपसमा टोकिएको जिल्ला ट्राफीक कार्यालय पर्वतले जनाएको छ ।
विपरित दिसाबाट आइरहेका सवारीहरु एक आपसमा ठोकिएको प्रहरी कार्यालय पर्वतका प्रमुख दल बहादुर गुरुङले जानकारी दिनुभयो ।
अहिलेसम्म अस्पतालमा १० जनाले उपचार गराईरहेको र बाँकीको विवरण प्राप्त हुँदै गरेको गुरुङको भनाई छ । घाइतेहरुको अवस्था सामान्य रहेको गुरुङले बताए । घाइतेहरुको प्रदेश अस्पताल कुश्मामा उपचार भइरहेको छ ।
