गोबिन्द,पर्बत। तपाई के क्यारेमवोर्ड खेल्नु हुन्छ ? यदि क्यारेमवोर्ड खेल्नु हुन्छ भने खेल प्रेमीहरुको लागि खुसिको खबर छ है, आहिले सम्मकै ठूलो धन राशिको राष्ट्रियस्तरको क्यारेमबोर्ड प्रतियोगिता पर्बतमा आयोजना हुने भएको छ । यहि फागुन २६ गते देखि २९ गते सम्म फागुपुर्णिमाको आबसर पारेर समदृष्टि क्लब पर्बतले क्यारेम खेल ,खेलाडीको सीपलाई दिगो राख्ने उदेश्यका साथ क्यारेम खेलाडीहरुको लागि राष्ट्रिय स्तरको क्यारेमबोर्ड प्रतियोगिता क्लबले आयोजना गर्न लागेको आयोजकहरुले बताउनु भयो ।

रि-जक्सन खाजाघर कुश्मा-६ हल्चोकमा आयोजना हुने उक्त प्रतियोगितामा करिब ७० टिम आउने र २५ गते भित्र दर्ता गरिसक्नु पर्ने र सम्पूर्ण तयारी अन्तिम चरणमा पुगेको कुरा आयोजक सुरेश लामिछानेले बताउनु भयो । प्रतियोगितामा प्रथम पुरस्कार रु १,००,०००/ (अक्षरुपि रु एकलाख रुपयाँ) साथै बन्जीजम्प, द्रितिय पुरस्कार रु ५०,०००/ (अक्षरुपि रु पचासहजार रुपयाँ) साथै जिपलाईन, तृतीय पुरस्कार रु २५,०००/ (अक्षरुपि रु पचीसहजार रुपयाँ) साथै स्काई साइकिलीङ र उत्कृस्ठ खेलाडीलाई पाँचहजार रहेको आयोजक गंगा गुरुङले हाम्रो सूचनाकेन्द्र डटकमलाई बताउनु भयो ।