पर्वत। पर्वतको मोदी गाउँपालिकाले सूचनाको हक सर्वसुलभ बनाउँदै पालिकामा नागरिकहरुको प्रत्यक्ष पहुँच बढाउनका लागि डिजिटल सुझाव पेटिका संचालनमा ल्याएको छ । पालिकाले जुनसुकै समय र अवस्थामा पनि नागरिकले गुनासो, उजुरी, राय सुझाव एवं सल्लाह दिन सकुन भन्ने उद्धेश्यले शुक्रवारदेखि डिजिटल सुझाव पेटिका संचालन गरेको हो ।

मोदी गाउँपालिकाका अध्यक्ष हिरादेवी शर्मा,उपाध्यक्ष विमल लामिछाने र प्रमुख प्रशासकीय अधिकृत बाबुराम पुरीले संयुक्त रुपमा मोदी गाउँपालिकाको डिजिटल सुझाव पेटिकाको शुभारम्भ गर्नु भएको छ ।

गाउँपालिकाले हरेक निणर्य प्रक्रियामा नागरिक सहभागितालाई सुनिश्चित गर्नका साथै संबिधान प्रदत्त सूचनाको हकलाई प्रत्याभूति दिलाउनका लागि यो संचालनमा ल्याईएको जनाएको छ । पालिकाप्रति कुनै गुनासो,उजुरी, राय सुझाव एवं सल्लाहा दिनु परेमा क्यूआर कोर्ड स्क्यान गरेर दिन सकिने भएको छ ।

गाउँपालिका मातहातका कार्यालयबाट हुने सेवा प्रबाह, बिकास ब्यबस्थापन शासकीय प्रवन्ध र सरोकारका विषयहरुमा आम जनताको अमुल्य राय सुझाव सल्लाह सभ्य र मर्यादित भाषामा डिजिटल सुझाव पेटिका मार्फत पेश गर्न मोदी गाँउपालिकाले आग्रह गरेको छ ।

लाेक कल्याणकारी