सत्तारुढ नेकपाका स्थायी समिति सदस्य युवराज ज्ञवालीले नेकपाभित्र एक व्यक्ति, एक पदको व्यवस्था लागू हुनुपर्ने बताएका छन् । उनले दुई अध्यक्षमध्ये एकजनाले सरकार र एकजनाले पार्टी चलाउनुपर्ने जिकिर गरे  ।

‘प्रधानमन्त्री केपी ओलीले सरकार मात्रै चलाउनुपर्छ र पार्टी चलाउने एकल जिम्मा अध्यक्ष ‘प्रचण्ड’ लाई दिनुपर्छ,’ ज्ञवालीले भने  । काठमाण्डुमा आयोजित एक कार्यक्रममा बोल्दै नेता ज्ञवालीले नेकपाभित्र अहिले ‘एक व्यक्ति, एक प्रमुख जिम्मेवारी’ को बहस सुरु भइरहेको बताए  ।

ज्ञवालीले पार्टीका नेताहरू सरकार र पार्टीको प्रमुख जिम्मेवारीसहित दोहोरो भूमिकामा रहन नहुने र यसले स्थानीय तहमा समेत प्रभाव पारेको टिप्पणी गरे  । उनले भने, ‘अहिले पनि कुनै नगरपालिकाका प्रमुख पार्टी कमिटीको अध्यक्षका रूपमा कार्यरत छन्  ।’ नयाँ पत्रिकाबाट

लाेक कल्याणकारी