पर्बत। हिजोबाट माल्दिभ्समा सुरु भएको काभा लिग महिला च्याम्पियनसिपमा पुलिसले उज्वेकिस्तानको हुमो भिसीलाई ३-१ ले हराउँदै विजयी सुरुवात गरेको छ। साविक विजेता समेत रहेको पुलिसले पहिलो सेट ३०-२८ ले आफ्नो बनाउदा दोस्रो सेट भने २१-२५ ले हुमो भिसी लाई सुम्पियो निकै कडा प्रतिस्पर्धामा तेस्रो र चौथो सेट २५-२१ र २५-२३ ले हराउदै पुलिसले बिजयीसुरुवात गर्यो ।  काभा क्लब च्याम्पियनसिपका नाममा पहिलो संस्करण जितेको पुलिस यसपटक समूह ‘बी’ मा छ । पुलिसले शुक्रवार इरानको फुलाड एमएससँग र समूह चरणको अन्तिम खेल आयोजक माल्दिभ्सको हुर्रा सिसीसँग खेल्नेछ।

समूह ‘ए’ मा माल्दिभ्सको क्लब हुम्को, श्रीलंकाको हिर्दारामानी एससी र काजकिस्तानको तुरान एफसी छन्। राउन्ड रोबिन लिगपछि समूहको शीर्ष दुई टोली सेमिफाइनलमा पुग्नेछन्। पुलिसले उपाधि रक्षाका लागि टोलीलाई मजबुत बनाउने क्रममा ३ खेलाडीलाई‌ अनुबन्ध गरेको छ। टिप टप न्यु डायमण्ड युथ स्पोर्टस क्लबकी सलिना श्रेष्ठ र सुमित्रा रेग्मी तथा एभरेष्टकी‌ मिना सुनारलाई टोलीमा समेटेको‌ छ।

लाेक कल्याणकारी