गोबिन्द रिजाल,पर्बत। यहि फागुन १ गते देखि ७ गतेसम्म कर्णाली प्रदेशमा आयोजना हुने १०औ राष्ट्रिय खेलकुद प्रतियोगिता अन्तर्गत प्रदेस छनौट प्रतियोगिता यहि माघ १० देखि १३ माघ सम्म हुन गईरहेको हुँदा उक्त प्रतियोगिताको खेलाडी दर्ता फारम छुटेका र नभरेका खेलाडीहरुले खेलाडी दर्ता फारम यहि माघ ९ गते सम्म भरेर जिल्ला खेलकुद बिकाश समितिको कार्यालय कुश्मा पर्बतमा बुझाउनहुन जिल्ला खेलकुद विकास समिति पर्बतले सूचना प्रकाशित गरेको छ । प्रदेश स्तरीय खेलाडी छनौट हुने प्रतियोगिताका खेलहरु १६ ओटा विधामा रहेका छन् जसमा लन टेनिस, शारीरिक सुगठन, स्क्वास, बक्सिंग, सुटिंग, उसु, भरतोलन, हक्की, फेन्सिंग, गल्फ, साईक्लिग,रब्बी, खो खो, जिम्न्यास्टिक, जुडो र पौडी रहेका छन् ।

त्यस्तै जिल्ला स्तरीय खेलाडी छनौट प्रतियोगिता पनि माघ १३ देखि १७ सम्म हुनेछ भने ११ गते सम्म फारम भरेर जिल्ला खेलकुद बिकाश समितिको कार्यालय कुश्मा पर्बतमा बुझाउनु पर्ने कुरा जिल्ला खेलकुद विकास समिति पर्बतका अध्यक्ष जंग बहादुर पुन (बुद्ध) ले बताउनु भयो । जिल्ला स्तरीय खेलाडी छनौट प्रतियोगिता हुने खेलहरु१५ ओटा विधामा रहेका छन् जसमा आर्चरी, फुल कन्ट्याक्ट करांते, बास्केटबल,एथलेटिक्स, हयान्डबल, सितेरियो करांते, सेपाकताको, तेक्वान्दो, ब्याडमिन्टन, टेबल टेनिस, बुद्धिचाल, फुटबल, कबड्डी, क्रिकेट र भलिबल रहेका छन् ।

लाेक कल्याणकारी