राज शर्मा । नेपालमा आज भएको Gen Z आन्दोलन केवल कुनै सामान्य विरोध होइन, यो नयाँ पुस्ताको ऐतिहासिक आवाज हो । युवाहरूले भ्रष्टाचार, अभिव्यक्ति स्वतन्त्रतामाथि भएको अङ्कुश र सामाजिक सञ्जालमाथिको प्रतिबन्धविरुद्ध आवाज शान्तिपूर्ण प्रदर्शन गर्दा युवामाथि सरकारले आँसुग्यास, रबरका गोली र यहाँसम्म कि प्राणघातक गोलीसमेत प्रहार गर्दा कैयौँले ज्यान गुमाए र सयौँ घाइते भए ।

निर्दोषको रगत सडकमा बग्नु भनेको आज को दिन नेपालि इतिहास को सबैभन्दा कालो दिन हो । सम्पूर्ण पुस्ताको सपनालाई कुल्चिएको प्रमाण हो

यस आन्दोलनको जरामा वर्षौँदेखिको असन्तोष र आक्रोश छ , भ्रष्ट नेताहरूको स्वार्थी राजनीति, , कुशासन र पुस्तौँदेखि दोहोरिँदै आएको नेतृत्वप्रतिको आक्रोश हो आजका युवाले प्रश्न गरेका छन्: “कसले हाम्रो भविष्य लुट्यो? किन हामी आफ्नो देशमा स्वतन्त्र रूपमा बोल्न पाउँदैनौँ?” उनीहरूको चीत्कार केवल नारामा सीमित छैन, यो परिवर्तनको गर्जन हो ।

आजको आन्दोलनले स्पष्ट सन्देश दिएको छ , अब पुरानो ढर्राको राजनीतिले देश चल्दैन । युवाहरू एकताबद्ध भएर सङ्गठित भए भने यो आन्दोलन “नेपाल स्प्रिङ” सरहको ठूलो राजनीतिक रूपान्तरणमा बदलिन सक्छ ।

मृत शहीद आत्माहरूको चिरशान्तिको कामना गर्दै हामि अब भ्रष्टाचारको मलामी बन्न तयार हुनुपर्छ , न्याय र स्वतन्त्रताको नयाँ ल्याउन हामी ले संगर्ष गर्नुपर्ने आज को आबश्यकता हो । यो शान्तिपूर्ण आन्दोलनमाथिको आक्रमण मात्र होइन, यो संविधानको आड मा गरिएको नयाँ प्रकारको राज्य आतङ्क हो ।

आज को समयमा पनि वाक स्वतन्त्रता माथि बन्देज लागाउने कुचेस्ठा यो नब आतंकबाद हो । अब यो मुद्दा केवल सडकमा मात्र सीमित रहनु हुदैन , यसलाई ICC र UN ले समेत छानबिन गर्नुपर्ने भएको छ ।

किनकि यो केवल दमन होइन, यो निर्दोष युवाको हत्या हो, जुन कहिल्यै क्षमायोग्य छैन । आशा छ रगतले भिजेको यो सडक नै भोलिको स्वच्छ, पारदर्शी र न्यायपूर्ण नेपालको बीउ बन्नेछ । सरकारी दमन – मुर्दाबाद , राज्यआतंक – बन्द गर । लेखक शर्मा अमेरिकामा कृयाशिल राजनैतिक तथा सामाजिक अभियन्ता हुन ।

लाेक कल्याणकारी