गोबिन्द,पर्बत। जिल्ला प्रहरी कार्यालय पर्बत र नेपाल पत्रकार महासंघ पर्वत बीच भएको मैत्रीपूर्ण फुटबल प्रतियोगितामा जिल्ला प्रहरी कार्यालय पर्बत बिजयी भएको छ । उक्त प्रतियोगितामा नेपाल पत्रकार महासंघ पर्वत लाई ३-० गोलले हराउदै जिल्ला प्रहरी कार्यालय पर्बत बिजयी भएको हो ।सशस्त्र प्रहरी बलको नेपाल नम्बर २५ गण हेडक्वार्टर चण्डिका गणमा आयोजना भएको मैत्रीपुर्ण फुटबल प्रतियोगितामा जिल्ला प्रहरी कार्यालय पर्बतको तर्फ बाट पहिलो हापमा नै ३ गोल भएको थियो भने दोस्रो हाप मा कुनै पनि गोल हुन सकेन र खेल ३-० ले जिल्ला प्रहरी कार्यालय पर्बत बिजयी भयो ।

दुवै टिमबाट गोल गर्ने धेरै प्रयास भएको थियो भने निकै प्रतिस्पर्धात्मक खेलमा नेपाल पत्रकार महासंघका तर्फ बाट गरिएका प्रहारहरु पुलिसका गोलरक्षकले विफल पारिदिएका थिए । निकै रोमान्चक खेलमा पहिलो हाप पुलिसले महासंघ लाई दबाबमा राखे पनि दोस्रो हापमा महासंघ निकै उत्कृस्ट खेल पस्कदै धेरै प्रहरहरु गरेको थियो तर जाली चुम्न भने सकेन ।

कार्यक्रममा जिल्ला प्रहरी कार्यालय पर्बतका कार्यालय प्रमुख प्रहरी नायब उपरीक्षक रबिन बिष्टले खेलमा जित हार जसको भएपनि सुवास्थ्यको लागि खेल, आपसी भईचारा र खेलको मध्यमबाट सम्बन्ध सुमधुर गर्ने उदेश्य रहेको बताउनु भयो त्यस्तै नेपाल पत्रकार महासंघ पर्वतका अध्यक्ष लक्ष्मण सापकोटाले पनि खेल प्रतिस्पर्धात्मक नभएर मनोरन्जनको लागि खेलिने र दुवै टिमले हार जितको लागि भन्दा पनि मैत्रीपूर्ण तरिकाले खेलिने कुरा हाम्रो सूचनाकेन्द्र डटकम लाई बताउनु भयो । त्यस्तै  शारीरिक रूपमा दैनिक व्याम र आफूलाई सधैँ चुस्त राख्ने विभागीय समूह प्रहरीसँग कहिलेकाहीँ आक्कलझुक्कल खेल्ने पत्रकारको समूहले आफ्नो उपस्थिति जनाउनु नै महत्त्वपूर्ण भएको पत्रकार महासङ्घका उपाध्यक्ष रञ्जना खत्रीले बताउनु भयो ।    

लाेक कल्याणकारी