पर्वत । जिल्लामा कुल लक्ष्यको ९९ प्रतिशतले एचपीभी खोप लगाएका छन् । पाठेघरको मुखको क्यान्सर विरुद्धको उक्त खोप ९९ प्रतिशतले लगाएको जनस्वास्थ्य कार्यालय कुश्मा पर्वतले जनाएको छ । कार्यालयका अनुसार कुल ४ हजार ७ सय १९ मध्ये ४ हजार ६ सय ९८ जनाले खोप लगाएका छन् ।

जिल्लाभरका कक्षा ६ देखि १० सम्म अध्ययन गर्ने बालिका र किशोरीलाई माघ २२ गतेदेखि फागुन २ गतेसम्म खोप अभियान संचालन गरिएको छ ।जिल्ला स्वास्थ्य कार्यालय पर्वतका प्रमुख प्रविन शर्माका अनुसार जिल्लामा रहेका निजी तथा सामुदायिक विद्यालयमा १ सय ९५ वटा खोप केन्द्रमार्फत खोप अभियान संचालन छ । अभियानलाई कार्यालयले २ चरणमा सञ्चालन गरीरहेको छ ।

पहिलो चरण अन्तर्गत माघ २२ गते देखि २७ गतेसम्म कुश्मा नगरपालिका, मोदी गाउँपालिका, फलेवास नगरपालिका र जलजला गाउँपालिकामा सम्पन्न भएको छ । दोस्रो चरण अन्तर्गत माघ २८ गते देखि फागुन २ गतेसम्म विहादी गाउँपालिका, महाशिला गाउँपालिका र पैयू गाउँपालिकामा सञ्चालन भइरहेको कार्यालयका जनस्वास्थ्य निरिक्षक प्रकाश गौतमले जानकारी दिए ।

लाेक कल्याणकारी