पर्वत । पर्वतको कुश्मा नगरपालिकाका एक हजार पाँच सय किशोरी अर्थात छात्रालाई पाठेघरको मुखको क्यान्सर विरुद्धको एचपिभि खोप लगाईने भएको छ ।

भविष्यमा हुने पाठेघरको मुखको क्यान्सरको रोकथामका लागि दश वर्षदेखि १४ वर्षसम्मका किशोरीहरुलाई खोप लगाउन थालिएको हो । पछिल्लो समय महिलाहरुमा पाठेघरको क्यान्सरको समस्या बढ्दै जान थालेपछि नेपालमा यहि माघ २२ गतेदेखि फागुन ६ गते सम्म अभियानकै रुपमा खोप लगाउने अभियान संचालन गरिने भएको छ । जस अनुसार कुश्मा नगरपालिकामा पनि माघ २२ गतेदेखि फागुन ६ गतेसम्म कक्षा ६ देखि १० सम्म अध्यययनरत १० वर्षदेखि १४ वर्ष उमेर समुहका किशोरीहरुलाई खोप लगाउन थालिएको हो ।

https://youtu.be/qYmb5HdkPhM?si=hquAdmn5MAfxlJFI

कुश्मा नगरपालिका भित्र रहेका सवै विद्यालयमा खोप लगाउने शिविर संचालन गरेर मापदण्ड भित्र परेका सवै छात्राहरुलाई खोप लगाईने कुश्मा नगरपालिकाका स्वास्थ्य शाखा प्रमुख यामप्रसाद शर्माले बताउनुभयो । उहाँका अनुुसार विद्यालयमा अध्ययनरत छात्राहरुलाई विद्यालयमै पुगेर र विद्यालय बाहिर रहेका छात्राहरुलाई पायक पर्ने स्थानमा क्याम्प खडा गरेर पनि खोप लगाईने भएको छ ।

खोप लगाउने अभियानका लागि कुश्मा नगरपालिकाले नगर स्तरीय खोप समन्वय समितिका पदाधिकारी र पत्रकारहरुबीच अन्तरक्रिया गोष्ठि सम्पन्न गरेको छ । गोष्ठिलाई सम्वोधन गर्दै नगरप्रमुख रामचन्द्र जोशीले अहिले थुप्रै महिलाहरुमा पाठेघरको क्यान्सरको समस्या देखिएको बताउँदै यसको रोकथाम र न्यूनकरणका लागि एचपिभि खोप अभियानलाई प्रभावकारी बनाउनुपर्ने बताउनुभयो । उहाँले कोहिपनि छात्राहरु खोपवाट बञ्चित हुन नदिनका लागि जनप्रतिनिधि र स्वास्थ्यकर्मीहरु गम्भिर भएर लाग्नुपर्ने बताउँदै आफुले सक्दो सहयोग गर्नुे प्रतिवद्धता जनाउनुभयो ।

https://youtu.be/GIWL8V2f_io?si=TZqBs2k9jmkNnY4d

कार्यक्रममा कुश्मा नगरपालिकाका प्रमुख प्रशासकिय अधिकृत नेत्र पौडेलले सरकारले ल्याएको राष्ट्रिय खोप कार्यक्रमलाई नगरभित्रका कुनैपनि छात्राहरु नछुट्नेगरी संचालन गरिने बताउनुभयो । खोपप्रीत नकारात्मक धारणा सिजर्ना नगरी सवैले अनिवार्य रुपमा लगाउन समेत उहाँले आग्रह गर्नुभयो ।

कार्यक्रममा प्रादेशिक स्वास्थ्य कार्यालय पर्वतका जनस्वास्थ्य निरिक्षक सुमन शर्माले एचपिभि खोपको महत्व, खोपको अभियान, पाठेघरको मुखको क्यान्सर रोग निदानका उपायहरु लगायतका बारेमा प्रस्तुतीकरण दिनुभएको थियो । कार्यक्रमको स्वागत कुश्मा नगरपालिका स्वास्थ्य शाखाका अनमी दुर्गाकुमारी शर्मा र संचालन स्वास्थ्य संयोजक यामप्रसाद शर्माले गर्नुभएको थियो । कार्यक्रममा कुश्मा नगरपालिकाका सवै वडाका अध्यक्षहरु, कार्यपालिका सदस्य, पत्रकार तथा स्वास्थ्यकर्मीको सहभागिता रहेको थियो

https://youtu.be/GIWL8V2f_io?si=TZqBs2k9jmkNnY4d

लाेक कल्याणकारी