सुचनाकेन्द्र संवाददाता प्रकाशित : २०८०/५/१७ गते
काठमाडौं ।
नेपाल सरकारका पूर्वसचिव भीम उपाध्याय र चितवन भरतपुर महानगरपालिका–१६ की पूर्णीमाया गुरुङबीच सहमति भएको छ । पूर्वसचिव उपाध्यायले माफी मागेर आगामी दिनमा यस्तो क्रियाकलाप नदोहोर्याउने प्रतिवद्धता जनाएपछि विवाद सकिएको हो ।
उपाध्याय र गुरुङबीच लिखित सहमति भएसँगै उजुरी पनि फिर्ता हुने भएको हो । उनले भोलि काठमाडौंबाट चितवन फर्किएर जिल्ला प्रहरी कार्यालय चितवनमा दिएको साइबर अपराधको उजुरी फिर्ता लिने पनि जानकारी दिइन् ।
धरानमा गोरु काटेर मासु भएको भिडिओ सामाजिक सञ्जालमा राखेपछि पूर्वसचिव उपाध्यायले पूर्णीमायाको तस्बिर राखेर पोस्ट गरेपछि विवाद सुरु भएको थियो ।
