पर्वत । पर्वत स्पोर्टस् हाउस कुश्माको आयोजनामा खुल्ला तथा सि लेभल पुरुष डबल ब्याडमिन्टन प्रतियोगिता पर्वत मोदीकाली ब्याडमिन्टन संघको कभर्डहल बडागाउँमा आगामी भाद्र ८ र ९ गते हुने भएको छ ।
जिल्ला खेलकुद विकास समिति, पर्वत र पर्वत मोदीकाली ब्याडमिन्टन संघ, कुश्माको सह आयोजनामा राष्ट्रिय गरिमा र सामाजिक रुपान्तरणका लागि खेलकुद भन्ने नाराका साथ प्रतियोगीता हुन लागेको हो । प्रतियोगितामा खुला तर्फ नेपालमा २० रयांकि भित्रका खेलाडी बाहेकका खेलाडीहरु उक्त प्रतियोगितामा सहभागि हुन पाउनेछन । सि लेभल तर्फ साविका धौलागिरी अंन्चल भित्रका खेलाडी र पर्वत मोदीकाली ब्याडमिन्टन संघका आजिवन सदस्य रहि देश भरि रहेका सदस्यहरुले सहभागि हुन पाउनेछन् । टिम दर्ता भाद्र ७ गते हुने आयोजक पर्वत स्पोर्टस हाउसका प्रोपाईटर जगदिश सुवेदीले जानकारी दिए ।
ब्याडमिन्टन खेलको विकास तथा विस्तार र नयाँ प्रतिभाशाली खेलाडी उत्पादन एवम् कुश्माको पर्यटन क्षेत्रको विकासको लागि गर्न लागिएको प्रतियोगताको खुला तर्फ प्रथम पुरस्कार रु ४० हजार, द्वितीय पुरस्कार रु २० हजार र तृतीय पुरस्कार रु १० हजार साथै शिल्ड, मेडल र प्रमाणपत्र रहेको छ भने सि लेभल तर्फ प्रथम पुरस्कार रु २० हजार, द्वितीय पुरस्कार रु १० हजार र तृतीय पुरस्कार रु ६ हजार साथै शिल्ड, मेडल र प्रमाणपत्र रहेको खेल संयोजक सुनिल थापाले जानाकारी दिए ।
यसै गरि खुला र सि लेभल तर्फ प्रथम हुने जोडीलाई हार्नेस जीपलाईन प्रालि कुश्माको तर्फबाट क्लासिक जीपलाईन निशुल्क गराईदिने हार्नेस जीपलाईन प्रालिका संचालक सुनिल बानियाँले बताउनु भयो ।
साथै खेलाडीहरुको सुविधाको मध्यनजर राख्दै विहानको खाना आयोजकले गर्ने र सबै खेलाडीहरुलाई उक्त खेल खेल्न हार्दिक अनुरोध गरिएको खेल संयोजक एवम् पर्वत मोदीकाली ब्याडमिन्टन संघ, कुश्माका कोषाध्यक्ष राम पुनले बताए । प्रतियोगितामा देश भरिबाट खेलाडी एवम् प्रतियोगी भित्राउन र प्रतियोगितालाई सफल बनाउने तयारी द्रुत गतिमा अगाडि बढेको पनि पुनले जानकारी दिए बताए ।
।
