“गजल “
बिस्तारै बिस्तारै निको हुन्छ घाउ भनेको
मैले यहि सोचेर तिमिलाई नचलाउ भनेको

छोरा तैले जग्गा ,जमिन, त किन्न सक्लास
पैसाले किन्न सक्दैनस है आमा बाउ भनेको

दुनियाँ देखेर पनि नदेखे झै गर्छ तिमिलाई
त्यसैले दुनियाँलाई आँसु नदेखाउ भनेको

देख्नेहरुले त तस्बिर खिचे भिडियो बनाए
कसैले सुनेनन ,घाइते मान्छेले बचाउ भनेको

कसले सुनायो कसलाई हतार भैसक्यो ?
आमालाई छोरा मरेको खबर नसुनाउ भनेको

रचना – सिर्जना खनाल
गल्याङ न. पा , ९ बेल्चौर