काठमाडौं ।

टीकापुर हत्याकाण्डका प्रमुख आरोपी रेशम चौधरीले अहिले राजनीतिक भेटघाटलाई तीव्र पारेका छन् । डिल्लीबजार कारागारमा जले सजाय भुक्तान गरिरहेका चौधरी राष्ट्रपतिले आममाफी दिएपछि गणतन्त्र दिवसको दिन रिहा भएका थिए । नागरिक उन्मुक्ति पार्टीका संरक्षकसमेत रहेका चौधरीले त्यसपछि विभिन्न दलका नेताहरुलाई भेटिरहेका छन् ।

यसबीचमा उनले प्रधानमन्त्री पुष्पकमल दाहाल प्रचण्ड, पूर्वप्रधानमन्त्री बाबुराम भट्टराई, जनमत पार्टीका अध्यक्ष डा.सिके राउतसँग भेटिरहेका छन् । सर्वोच्च अदालतमा चौधरीलाई आममाफी दिइएको विषयमा मुद्दा विचाराधीन छ ।

अदालतको आदेशविपरीत उनी छुटेकाले कुनै पनि समय आफू जेल जानुपर्ने त्रासमा छन् उनी । त्यही भएर राजनीतिक दलका नेताहरूलाई उनले छिटोछिटो भेटिरहेका हुन् ।

यसैबीच, एमाले अध्यक्ष केपी ओलीले चौधरीलाई बालकोटमा न्यानो आतिथ्यता गरेका छन् । उनीहरूबीच सोमबार बिहान ओली निवास बालकोटमा भेटवार्ता तथा छलफल भएको हो ।

सो भेटवार्तामा दुबै नेताका बिचमा समसमायिक राजनीतिका विषयमा कुराकानी भएको जनाइएको छ । जेलमा रहँदा ज्याकेट र जुत्ता पठाइदिएकोमा चौधरीले ओलीलाइ धन्यवादसमेत दिएका थिए ।

जाडोको बेला पठाइदिएको गिफ्टप्रति ओलीलाई भेटेरै धन्यवाद दिएका चौधरीले ओलीले जेल जीवनका बारेमा स्मरण सुनाएका थिए ।

लाेक कल्याणकारी