काठमाण्डाै । नेकपा माओवादी केन्द्रका अध्यक्ष एवं प्रधानमन्त्री पुष्पकमल दाहाल प्रचण्डले सहकारीको कामकारवाहीमा प्रश्न उठिरहेको भन्दै सच्चिन आग्रह गरेका छन् ।

आज (बिहिबार) राष्ट्रिय सहकारी महासंघ र भूमि व्यवस्था, सहकारी तथा गरिबी निवारण मन्त्रालयको संयुक्त आयोजना गरेको तेस्रो राष्ट्रिय सहकारी महासम्मेलनलाई सम्बोधन गर्दै उनले यस्तो बताउका हुन ।

प्रधानमन्त्री प्रचण्डले पछिल्लो समय सहकारीको काम कारवाहीमा केही प्रश्न उठिरहेको भन्दै सच्चिन आग्रह गरेका छन । उनले राष्ट्रिय अर्थतन्त्रमा सहकारीले महत्वपूर्ण भूमिका खेलेको भएपनि यसको स्वनियमन नारामा मात्रै सीमित हुँदा सहकारीमा समस्या देखा परेको बताएका छन ।

उनले सहकारी संस्थाहरुप्रति उठेका सवालहरुको विषयमा गहन छलफल गरेर महासम्मेलनले निष्कर्ष निकाल्नु पर्ने बताएका छन । उनले भने, ‘सहकारीमा देखिएको समस्याहरुको कारण आम नागरिकहरु प्रभावित छन्, यस चुनौतीपूर्ण अवस्थाबाट बाहिर निस्कन यो महासम्मेलनले उचित निष्कर्ष निकाल्नु पर्छ, सहकारीलाई उत्पादन र श्रमसहकारीमा रुपान्तरण गर्नु ।’

उनले वित्तीय क्षेत्रमा देखा परेको तरलताको प्रभाव सहकारीमा पनि देखिएको बताउँदै बचतकर्ताको पैसा सुरक्षित राख्न सबैको दायित्व महत्वपूर्ण भएको बताएका छन ।

लाेक कल्याणकारी