पूर्वी नवलपरासी । सरकारको नेतृत्व गरेको दल नेकपा माओवादी केन्द्रका उपाध्यक्ष एवं पूर्व सभामुख कृष्ण बहादुर महराले नेपालको सत्ता अरु नै कसैले चलाइरहेको दाबी गरेका छन् । आफ्नै पार्टी अध्यक्ष पुष्पकमल दाहाल ‘प्रचण्ड’ प्रधानमन्त्री रहेका बेला पूर्व गृहमन्त्रीसमेत भइसकेका महराले देश अरु नै कसैले चलाइरहेको दाबी गरेका हुन् ।

शनिबार प्रेस सेन्टर पूर्वी नवलपरासीको साधारणसभालाई सम्बोधन गर्दै महराले नेपालका शीर्ष नेताहरु प्रचण्ड, शेरबहादुर देउवा र केपी शर्मा ओली पात्र मात्रै रहेको उनले बताए । ‘देश अरु कसैले चलाइरहेको छ । प्रचण्ड, देउवा र ओली त पात्र हुन्’, उनले भने ।

तर महराले सत्ता चलाउने त्यो अदृश्य शक्तिबारे खुलेर चर्चा गरेनन् । ‘हुन त हाम्रै अध्यक्षको नेतृत्वमा सरकार छ, तर पनि हाम्रो बिडम्वना यही हो, जो प्रधानमन्त्री भए पनि हुने यही हो’, उनले भने ।

लाेक कल्याणकारी