सुचनाकेन्द्र संवाददाता प्रकाशित : २०७९/११/२७ गते
रन्जना खत्री, पर्वत। पर्वत समाज अमेरिकाको आयोजनामा यहि अप्रिल ८ र ९ गते अमेरिकाको बाल्टिमोरमा २ दिने अन्तर राज्य भलिबल प्रतियोगिता हुने भएको छ ।
उक्त भलिबल प्रतियोगिताको उद्धाटन सम्माननिय राष्ट्रिय सभा अध्यक्ष गणेश प्रसाद तिमिल्सिनाकाे उपस्थितिमामा हुने पर्वत समाज अमेरिकाका अध्यक्ष रबिन शर्माले सुचनाकेन्द्र डटकमलाई बताएका छन् ।
लगभग नेपाली सात लाख पचास हजार रासी बराबरको प्रथम पुरस्कार र झण्डै ४ लाख ५० हजार दोस्रो पुरस्कार रासी रहेको उक्त खेलको दर्ता खुल्ला गरिएको र दर्ता शुल्क अमेरीकी ५ सय डलर रहेको खेलकुद सँयाेजक तथा पुर्व राष्ट्रिय खेलाडी राम श्रेष्ठले सुचनाकेन्द्र डटकमलाई जनाएका छन।
साथै खेलमा सहभागिता र दर्ता भने अमेरीका बासी नेपालीहरु मात्रै गर्न पाउने पर्वत समाज अमेरिकाका महासचिव रमेश शर्माले बताए ।
