गोबिन्द,पर्बत । ७ औ पर्बत महोत्सवको आज दसौ दिनमा पालिका स्तरीय पुरुष भलिबल प्रतियोगिताको दोस्रो सेमिफाइनल खेल फलेबास नगरपालिका र गलकोट नगरपालिका बीच भएको निकै प्रतिस्पर्धात्मक खेलमा फलेबास नगरपालिका ३-१ को रोमान्चक सेटमा बिजयी भयो । यो जित संगै फलेबास नगरपालिका फाइनलमा प्रबेश गर्यो भने गलकोट नगरपालिका को फाइनल पुग्ने सपना चकनाचुर भयो । फलेबास नगरपालिकाले महाशिला गाउँपालिका संगको फाईनल भेट पक्का गरेको छ । फाईनल भोली हुनेछ ।

खेल निकै प्रतिस्पर्धात्मक र रोचक भएको थियो । बेस्ट अफ फाईपमा भएको खेलमा गलकोट नगरपालिका पहिलो सेट २५-२१ ले जित्यो भने दोस्रो सेट फलेबास नगरपालिका २५-२० ले जित निकाल्दा तेस्रो सेट पनि फलेबास नगरपालिका २५-२१ ले जित हासिल गर्यो भने चौथो सेट पनि फलेबास नगरपालिकाले २५-२३ मा जित निकाल्दै फलेबास नगरपालिका फाइनलमा प्रबेश गर्न सफल भयो भने गलकोट नगरपालिका सेमिफाइनल बाटै तिस हजारमा चित्त बुझाउदै घर फर्कियो ।

नकआउट चरण मा खेलाएको उक्त प्रतियोगितामा प्रथम हुनेलाई सर्बाधिक पुरस्कार २,००,०००/ (दुईलाख , सिल्ड मेडल र प्रमाणपत्र) दोश्रो लाई १,००,०००/ (एकलाख, सिल्ड मेडल र प्रमाणपत्र) तृतीय हुने लाई नगद ३०,०००/ (तिस हजार रुपयाँ सिल्ड मेडल र प्रमाणपत्र) र सान्त्वना  टिमलाई पनि ३०,०००/ (तिस हजार, सिल्ड मेडल र प्रमाणपत्र) रहेको छ । प्रतियोगिता सफाल बनाउन जिल्ला खेलकुद विकास समिति,पर्बत र जिल्ला भलिबल संघ पर्बतले पनि व्यवस्थापनमा सहयोग गरेको खेल संयोजक शेरबहादुर चोचाङ्गीले हाम्रो सूचना केन्द्र डटकम लाई जानकारी गराउनु भयो ।

लाेक कल्याणकारी