गोबिन्द,पर्बत।७ औ पर्बत महोत्सवको आज दसौ दिनमा पालिका स्तरीय पुरुष भलिबल प्रतियोगिताको पहिलो सेमिफाइनल खेल मोदी गाउँपालिका र महाशिला गाउँपालिका बीच भएको निकै प्रतिस्पर्धात्मक खेलमा महाशिला गाउँपालिका ३-२ को रोमान्चक सेटमा बिजयी भयो । यो जित संगै महाशिला गाउँपालिका फाइनलमा प्रबेश गर्यो भने मोदी गाउँपालिकाको फाइनल पुग्ने सपना चकनाचुर भयो । अब महाशिला गाउँपालिकाले फाईनलमा गल्कोट नगरपालिका र फलेबास नगरपालिका बीचको बिजेता संग फाईनल खेल्ने छ ।

खेल निकै प्रतिस्पर्धात्मक र रोचक भएको थियो । बेस्ट अफ फाईपमा भएको खेलमा मोदी गाउँपालिका पहिलो सेट २५-२३ ले जित्यो भने दोस्रो सेट महाशिला गाउँपालिकाले २५-१६ ले जित निकाल्दा तेस्रो सेट पनि महाशिला गाउँपालिकाले २५-१९ ले जित हासिल गर्दा चौथो सेट मोदी गाउँपालिकाले २५-१४ मा जित निकाल्दै  खेलमा फर्कियो तर अन्तिम फाईनल सेटमा महाशिला गाउँपालिकाले १५-१२ को झिनो अन्तरले जित निकाल्दै महाशिला गाउँपालिका फाइनलमा प्रबेश गर्न सफल भयो भने मोदी गाउँपालिका सेमिफाइनल बाटै तिस हजारमा चित्त बुझाउदै घर फर्कियो ।

नकआउट चरण मा खेलाएको उक्त प्रतियोगितामा प्रथम हुनेलाई सर्बाधिक पुरस्कार २,००,०००/ (दुईलाख , सिल्ड मेडल र प्रमाणपत्र) दोश्रो लाई १,००,०००/ (एकलाख, सिल्ड मेडल र प्रमाणपत्र) तृतीय हुने लाई नगद ३०,०००/ (तिस हजार रुपयाँ सिल्ड मेडल र प्रमाणपत्र) र सान्त्वना  टिमलाई पनि ३०,०००/ (तिस हजार, सिल्ड मेडल र प्रमाणपत्र) रहेको छ । प्रतियोगिता सफाल बनाउन जिल्ला खेलकुद विकास समिति,पर्बत र जिल्ला भलिबल संघ पर्बतले पनि व्यवस्थापनमा सहयोग गरेको खेल संयोजक शेरबहादुर चोचाङ्गीले हाम्रो सूचना केन्द्र डटकम लाई जानकारी गराउनु भयो ।

लाेक कल्याणकारी