पर्वत ।
निर्वाचनको मिति नजिकिदै जादा पर्वतमा आचार संहिता उल्लंघन वढ्दै गएको छ । आचार संहिताको उल्लंगन हुन थाले पछि निर्वाचान आयोगले समेत कडाइ गरेको हो । पर्वतमा पछिल्लो समय शिक्षक ,कर्मचारी तथा उम्मेदवारहरु वाटै आचार संहिता उल्लंघन गरेको आरोप लागेको छ ।
उनिहरुले विभिन्न स्थानमा जिन्सी सामान वितरण गरेको तथा शिक्षक तथा आफु वहाल रहेको स्थानिय तहका प्रमुख उप प्रमुखहरु चुनावी कार्यक्रममा सहभागी भएको आधारमा उजुरी परेको हो । पर्वतमा हाल सम्म १० जनावाट निर्वाचन आचार संहिता उल्लंगन गरेको विषयमा निर्वाचान आयोगले स्पस्टीकरण सोधेको छ ।
निर्वाचन आयोगले नेपाली काँग्रेसको तर्फबाट पर्वतका प्रतिनिधिसभा सदस्यका उम्मेदवार अर्जुनप्रसाद जोशीलाई पर्वतको पञ्चकोशी माध्यमिक विद्यालयमा शैक्षिक सामग्री वितरण गरेको विषयमा स्पष्टीकरण मागेको हो तेसैगरि आयोगले पर्वतको पञ्चकोशी माध्यमिक विद्यालयका प्रधानाध्यापक प्रकाश सापकोटालाई समेत सोही विषयमा स्पष्टीकरण सोधेको हो ।
त्यस्तै आयोगले पर्वतको कुश्मा नगरपालिका वडा नं ९ का अध्यक्ष राम शर्मा लामिछानेलाई आफू बहाल रहेको स्थानीय तहमा राजनीतिक दल र उम्मेदवारको पक्षमा प्रचारप्रसारमा संलग्न भएको विषयमा स्पष्टिकरण मागेको थियो ।
निर्वाचन आयोगले पर्वतको कुश्मा नगरपालिकास्थित नारायण माध्यमिक विद्यालयका शिक्षक सुभन्तराज सुवेदीलाई राजनीतिक दल र उम्मेदवारको पक्षमा प्रचारप्रसारमा संलग्न भएको विषयमा स्पष्टीकरण सोधेको छ ।
तेसै गरि निर्वाचन आयोगले पर्वतको जलजला गाउँपालिका अध्यक्ष राजु आचार्यलाई आफू बहाल रहेको स्थानीय तहमा राजनीतिक दल र उम्मेदवारको पक्षमा प्रचारप्रसारमा संलग्न भएको विषयमा स्पष्टीकरण मागेको छ ।
आयोगले राष्ट्रिय भूमि आयोग, पर्वतका अध्यक्ष उदय सुवेदीलाई राजनीतिक दल र उम्मेदवारको पक्षमा प्रचारप्रसारमा संलग्न भएको विषयमा स्पष्टीकरण मागेको हो ।
तेसैगरि जिल्ला आचार संिहता अनुगमन समितिले निर्वाचन आचार संहिता उलंघन गरेको विषयमा केही दिन अगाडी पर्वत फलेवास नगरपालिका का प्रमख गंगाधर तिवारी र कुश्मा नगरपालिका उपप्रमुख स्वास्थनी रिजाल लाई स्पष्टिकरण सोधेको थियो । नगर प्रमुख तिवारीले आचारसंहिता विपरित चुनाव प्रचार प्रसारमा हिडेको विषयलाई लिएर स्पष्टिकरण मागेको हो भने कुश्मा नगरपालिका उप प्रमुख स्वास्थनी रिजाललले सामुदायिक स्वस्थ्य इकाइलाई स्वस्थ्य सामाग्री वितरण गरेको आधारमा उजुरी परेकोले स्पष्टिकरण मागेको हो ।
तेसै गरि शिवालय मावि कुश्माका शिक्षक चिरन्जीवी अधिकारी र वालप्राथामिक विद्यालय फलेवास ४ का प्रअ छवीलाल तिवारीलाइ पनि आचार संहिता उलंघन गरेको विषयमा जिल्ल आचार संिहता अनुगमन समितिले स्पष्टिकरण मागेको हो । हाल सम्म स्पष्टिकरण मागिएकोमा नियम अनुसार स्पष्टिकरण प्राप्त भै रहेको जिल्ला निर्वाचान आचार सहिंता समितिले जनाएको छ ।
निर्वाचन आचार सहिंता अनुसार स्थानिय तहका प्रमुख उप प्रमुख तथा कार्यापालिका सदस्यहरुलाई कुनै पनि दलको चुनाव प्रचार प्रसार गर्न रोक लगाएको छ ।
