काठमाडौ । निर्वाचनको मिति नजिकिदै जाँदा अहिले एउटा राजनीतिक दल छोडेर अर्को पार्टीमा प्रवेश गर्ने लहर चलेको छ । नेकपा एमालेका अध्यक्ष केपी शर्मा ओली अहिले पार्टी प्रवेश गराउन निकै दौडधुपमा छन् । उनी देश ब्यापी दौडाहामा छन् ।

वीरगञ्ज महानगरका मेयर विजय सरावगी एमाले प्रवेश गरेको केही दिनपछि थप दुई वडाका वडाध्यक्षसहित दजनौं जनप्रतिनिधि एवं नेता–कार्यकर्ता विभिन्न पार्टी परित्याग गरी एमालेमा प्रवेश गरेका छन् । महानगरपालिका– २८ का वडाध्यक्ष जयनारायणसिंह कुर्मी र वडा नम्बर २५ का वडाध्यक्ष विश्वराजप्रसाद कुर्मीसहितका नेता कार्यकर्ता एमालेमा प्रवेश गरेका हुन् ।

एमाले प्रवेश गर्नेहरुमा जसपा प्रदेश सदस्य अजय साह, पर्साका जिल्ला समन्वय समितिका सदस्य अमोर यादवसँगै विभिन्न वडाका वडा सदस्यहरु रहेको एमाले पर्साले जनाएको छ । उनीहरुलाई एमाले अध्यक्ष केपी शर्मा ओलीले पार्टीमा स्वागत गरेका छन् । ओलीनिवास बालकोटमा एक कार्यक्रमबीच उनीहरु एमाले प्रवेश गरेका हुन् ।

वृद्ध अवस्था र स्वास्थ्य अवस्था पनि कमजोर रहेका अध्यक्ष ओलीको सकृयता निकै लोभलाग्दो छ । उनी यस्तो अवस्थामा पनि दिनुहँ २४ घण्टा नै सकृय छन् । दिनमा १८ घण्टा खटेर काम गर्छन ।

लाेक कल्याणकारी