पर्वत । पर्वतको आम्वोट स्थित पोखरा-बागलुङ सडकमा सोमवार दिउँसो यात्रुबहाक बस र मोटरसाईल ठोक्किएर भएको दुर्घटनामा एक जनाको मृत्यु भएको छ ।

मृत्यु हुनेमा मोटरसाईकल चालक पर्वतको महाशिला गाउँपालिका वडा नं. २ भोक्सिङका ३८ वर्षिय प्रितम गुरुङ रहेका छन् ।

पोखरावाट पर्वत तर्फ आउँदै गरेको ग ६ प ५५७३ नम्वरको मोटरसाईकल र बागलुङवाट बर्दियातर्फ जाँदै गरेको ग २ ख १०१३ नम्वरको बस मोदी गाउँपालिका वडा नं. ५ आम्वोट नजिकै पोखरा-बागलुङ सडकमा एकआपासमा जुधेका हुन् ।

दुर्घटनामा गम्भीर घाईते भएका गुरुङको उपचारका क्रममा पर्वत अस्पतालमा मृत्यु भएको जिल्ला प्रहरी कार्यालय पर्वतका प्रहीरी निरिक्षक राजेन्द्र अधिकारीले जानकारी दिनुभयो ।

बसमा सवार यात्रु भने सकुसल रहेका छन् । दुवै तर्फका सवारीसाधन तीब्र गतिमा भएका कारण ठोकिएको हुन सक्ने प्रहरीको अनुमान रहेको छ ।

लाेक कल्याणकारी