सुचनाकेन्द्र संवाददाता प्रकाशित : २०७८/७/२८ गते
पर्वत । नेत्र बिक्रम चन्द बिप्लव नेकपाद्धारा आज मध्यपहाडी लोकमार्ग अन्तरगतको पर्वतको चुवामा १ घण्टा चक्काजाम गरेको छ । नेकपा केन्द्रिय समितिको निर्देशन अनुसार कार्यक्रम सम्पन भएको नेकपाका पर्वत जिल्ला सेक्रेटरी अनन्त केसीले सुचनाकेन्द्र डटकमलाई बताएका छन् ।
देउवा नेतृत्वको सरकारले पेट्टोलियम पदार्थमा गरेको मृल्यबृद्धी र खाद्य बस्तुमा भएको महंगीको बिरुद्धमा आन्दोलन गर्नुपर्ने बाध्यता भएको केसीले बताए ।
नेत्र बिक्रम चन्द बिप्लव नेकपाद्धारा सरकारको बिरुद्धमा बिभिन्न संघर्षको कार्यक्रम तय गरिएको र लगातार कार्यक्रम सम्पन्न भएको पनि बताइएको छ । जस अन्तरगत यहि ३० गतेको नेपाल बन्द सफल पार्न सबै पर्वत बासीलाई नेकपा पर्वतले अपिल पनि गरेको छ ।
