पर्वत । पर्वत जिल्ला सदरमुकाम कुश्मामा नेपाल प्रहरीलाई हाल सम्मकै ठुलो सफलता हात लागेको छ । पर्वतमा प्रहरी चलाएका कारवाहीमा यो कारवाही ऐतिहासि सफल भएको बताइएको हो ।

जिल्लाका प्रतिष्ठीत ब्यक्तीहरु नै जुवा खेलिरहेको स्थानबाट ठुलो धनराशी सहित ८ जना जुवाडे पक्राउ परेका छन् । कुश्मा नगरपालिका वडा नं. ७ खरेहामा स्थानीय गोविन्द अधिकारीको घरमा जुवा खेलीरहेका ८ जना नगद रु. ९ लाख ५८ हजार ७ सय ४१ रुपैया सहित फक्राउ परेका हुन् ।

प्रकाउ पर्नेहरुमा जिल्ला पर्बत फलेवास न.पा. वडा नं. ११ बस्ने बर्ष ५९ का जित बहादुर सुनार, कुश्मा नं. ५ बस्ने बर्ष ४८ का भोज कुमार श्रेष्ठ, कुश्मा न.पा वडा नं.६ बस्ने बर्ष ४१ का दिपेन्द्र बहादुर भण्डारी, कुश्मा न.पा. वडा नं. ११ बस्ने बर्ष ५० का बाबुराम पौडेल, कुश्मा न.पा वडा नं. ६ बस्ने बर्ष ४७ का हर्क मान गुरुङ, कुश्मा न.पा वडा नं. ९ जन्म स्थान भई हाल ऐ. वडा नं= ७ बस्ने बर्ष ५६ को गोबिन्द अधिकारी, र कुश्मा न.पा वडा नं.५ बस्ने बर्ष ५४ को मिन प्रसाद श्रेष्ठ रहेका छन् ।

जुवा खालबाट प्रकाउ परेकाकामा दुई जना जनप्रतिनिधि समेत रहेका छन् । उनिहरुवाट चार बुक तास समेत बरामद गरिएको जिल्ला प्रहरी कार्यालय पर्वतका प्रमुख डिएसपी शिवराज बुढाथोकीले सुचनाकेन्द्र डटकमलाई जानकारी दिनुभयो ।

ठुलो धनराशी हारजीत हुनेगरी तास खेलिरहेको भन्ने सुचनाको आधारमा जिल्ला प्रहरी कार्यालयवाट खटिएको टोलीले शुक्रवार साँझ पक्राउ गरेको हो ।

उनिहरुलाई जिल्ला प्रशासन कार्यालयवाट म्याद थप गरी अनुसन्धान भैरहेको समेत प्रहरीले जनाएको छ । पर्वतमा दशै, तिहारको समयमा हरेक वर्ष धेरै जुवाडेहरु पक्राउ पर्ने गरेका छन् ।

लाेक कल्याणकारी