सुचनाकेन्द्र संवाददाता प्रकाशित : २०७८/५/१४ गते
बुटवल-पहिरोका कारण अवरुद्ध भएको बुटवल-तानसेन सडकखण्ड अझै खुल्न सकेको छैन। सो सडक खण्डको ठाउँ ठाउँमा खसेको पहिरो हटाउन नसक्दा सडक हिजो आइतबारदेखि अवरुद्ध छ।
लुम्बिनी प्रदेश ट्राफिक प्रहरी कार्यालय बुटवलका अनुसार निरन्तर वर्षा भइरहेकाले सडकमा खसेको पहिरो हटाउन सकिएको छैन।
‘आज दिउसो १२ बजेसम्ममा बाटो खुलाउन सकिन्छ कि भन्ने थियो, तर फेरि पानी परिरहेको छ, त्यसैले आज कतिबेला सडक खुल्छ भन्ने यकिन छैन’-लुम्बिनी प्रदेश ट्राफिक प्रहरी कार्यालय बुटवलका सूचना अधिकारी प्रहरी नायब उपरीक्षक डिल्ली नारायण पाण्डेले जानकारी दिए।
