गोबिन्द, पर्बत  । राष्ट्रिय सभा अध्यक्ष भलिबल कपको उपाधि जिल्ला भलिबल संघ,पर्बतले उचालेको छ । पर्बतको मोदी गाउँपालिका बडा न.-७ राम्जादेउरालीमा सम्मपन्न हिजो भएको फाईनल खेलमा जिल्ला भलिबल संघ,पर्बत ले बाग्लुंग भलिबल संघ लाई निकै रोमान्चक खेलमा हरायो । जिल्ला भलिबल संघ, पर्बतले  बाग्लुंग भलिबल संघलाई ३-१ को सोझो सेटमा हरायो । पहिलो सेट बाग्लुंग भलिबल संघले जिते पनि जिल्ला भलिबल संघ,पर्बतले उत्कृष्ट पुनरागमन गर्दै ३ सेट लगातार जित्यो र उपाधि माथी कब्जा जमायो। चैत १३ गते देखि सुरु भएको भलिबल प्रतियोगिताको उद्घाटन राष्ट्रिय सभाका अध्यक्ष गणेश तिमिल्सिनाले गर्नु भएको थियो ।

उपाधि संगै जिल्ला भलिबल संघ,पर्बतले१,५००००/ (एकलाख पचास हजार, सिल्ड मेडल र प्रमाणपत्र) प्राप्त गर्यो भने उपविजेता बाग्लुंग भलिबल संघले १,००,०००/ (एकलाख, सिल्ड मेडल र प्रमाणपत्र) मा चित्त बुझायो भने तेस्रो स्थानको लागी भएको खेलमा म्याग्दीले स्याङ्जा लाई पनि३-१को सोझो सेटमा हराउदै  ५०,०००/ (पचास हजार, सिल्ड मेडल र प्रमाणपत्र) प्राप्त गरेको जानकारी हाम्रो सूचनाकेन्द्र डटकम लाई जिल्ला भलिबल संघ,पर्बतका टिम ब्यबस्थापक पुष्प भुषालले बताउनु भयो । “निकै कडा मिहेनतले गर्दा आज यो उपाधि उचाल्न सक्यो” भन्दै जिल्ला भलिबल संघ,पर्बतका टिम कोच लक्ष्मण श्रेष्ठले खुसी व्यक्त गर्नु भयो भने असिस्टेन्ट कोच समिर जोशीले अन्तिम समयमा आएर खेलमा सहभागी भए पनि उपाधि जित्न सफल जित्न सफल भएकोमा खेलाडीहरुको मेहेनतले सफल भएको जानकारी गराउनु भयो।उक्त प्रतियोगितामा गण्डकी प्रदेशका पाँच जिल्ला हरुको सहभागी रहेको थियो भने बिजयी टिमलाई मोदी गाउँपालिका अध्यक्ष प्रेम पौडेलले पुरस्कार वितरण गर्नु भएको थियो ।

लाेक कल्याणकारी