गोबिन्द, पर्बत  । एतिहासिक दोश्रो राष्ट्रिय मगर महोत्सव २०७७  अन्तर्गत आज एघारौ दिनमा भएको खुल्ला पुरुष भलिबल प्रतियोगिताको उपाधिका लागी भएको भिडन्तमा टाईगर ग्रुप, पोखराले बाजी मारेको छ । टाईगर ग्रुप, पोखराले जिल्ला भलिबल संघ, पर्बत  लाई लगातार सोझो ३-० को सेट मा पराजित गरेको थियो । कुश्मा बजारको बढागाँउ चौरमा भएको रोचक भिडन्त मा बिजेता टाईगर ग्रुप, पोखराले पुरस्कार १,५१०००/ (एकलाख एकाउन्न हजार, सिल्ड मेडल र प्रमाणपत्र) प्राप्त गर्यो भने उपविजेता जिल्ला भलिबल संघ, पर्बतले १,००,०००/ (एकलाख, सिल्ड मेडल र प्रमाणपत्र) मा चित्त बुझायो । तेस्रो यस अगी नै खानीगाउँ (ए) भएको थियो भने विनामारे फेन्सी स्टोर्स सान्तवना भएको थियो ।

फाईनल खेलको पहिलो सेट २५-१९ दोश्रो सेट २५-१५ र अन्तिम सेट २५-१२ ले जिल्ला भलिबल संघ, पर्बत  लाई टाईगर ग्रुप, पोखराले जितेको थियो । फाईनल खेल फस्ट रेफ्री ए.भी.सी. अन्तर्राष्ट्रिय भलिबल रेफ्री टहल सिह थापामगर सकेन्ड रेफ्री नेसनल भलिबल रेफ्री बिमल रानामगर हुनुहुन्थियो भने स्कोरमा नेसनल भलिबल रेफ्री गोपाल थापा, बसन्त आले र अमित आले हुनुहुन्थियो ।

१० टिम सहभागी प्रतियोगिता को प्रथम हुने टिमले सर्बाधिक पुरस्कार १,५१०००/ (एकलाख एकाउन्न हजार, सिल्ड मेडल र प्रमाणपत्र) र दोश्रो हुने टिम ले १,००,०००/ (एकलाख, सिल्ड मेडल र प्रमाणपत्र)  तेस्रो र सान्त्वना कमश र ४०,०००/ (चालिस हजार रुपयाँ सिल्ड मेडल र प्रमाणपत्र र २०,०००/ (बिसहजार, सिल्ड मेडल र प्रमाणपत्र) प्राप्त गरे  ।

साथै प्रतियोगिता भरि भलिबल खेलको सम्पुर्ण ब्यबस्थापक पुष्प भुषाल , समिर जोशी र उप-संयोजक जित तिलिजाले गर्नु भएको कुरा  भलिबल संयोजक शेरबहादुर चोचाङ्गी ले हाम्रो सूचना केन्द्र डटकम लाई जानकारी गराउनु भयो

भलिबल फाईनल खेलका केहि तस्बीरहरु:-

लाेक कल्याणकारी