बैकुण्ठ गिरी, पर्वत । यतिबेला सत्ताधारी दल नेपाल कम्युनिष्ट पार्टी नेकपामा राजनैतिक बहस तिब्र रुपमा चलिरहेको छ । पार्टीका दुबै अध्यक्षले एक अर्काको बिरुद्धमा राजनैतिक दस्तावेज प्रस्तुत गरेका छन् ।
पार्टी भित्र अल्पमतमा परेपछि प्रधानमन्त्री समेत रहेका केपी ओली बैठकमा आउन समेत छाडेका छन् । प्रचण्ड, माधब कुमार नेपाल, झलनाथ खनाल, बामदेब गौतम, नारायणकाजी श्रेष्ठ सहितको सचिवालयमा बहुमत सदस्य लिएर प्रचण्डले प्रस्ताव पेश गरेपछि ओली पार्टी फुटाउने तहसम्म पुगेको राजनैतिक श्रोतहरुले बताउछन् ।
तर आज हामीसँग कुराकानी गर्दै नेपाल कम्युनिष्ट पार्टी नेकपा का केन्द्रिय सदस्य तथा पर्वत जिल्लाका इन्चार्ज गुप्त हमाल शन्देशले पार्टी बिभाजन नहुने तर्क गरेका छन् । पार्टी भित्र बहस हुन्छ नेताहरुले आफ्ना कमजोरी सुधार्न तयार हुनुपर्छ अन्यथ पार्टी बन्दैन भनेका छन् ।
नेता हमालले प्रधानमन्त्री समेत रहेका केपी ओलीले भष्ट्रचारीहरुलाई बोकेर हिडेको समेत आरोप लगाएका छन् । गोकुल बास्कोटा, ओम्नी समुह लगायतलाई जनताको अगाडी बारवाही गर्नुको साटो बोकेर हिडेको आरोप लगाएका हुन । हेरौं नेता हमालले पार्टी भित्रको राजनैतिक बहस र प्रधानमन्त्री ओलीको कार्यशैली बारे गरेको ।। कुराकानी ।।
