पर्बत, कुश्मा । विश्वप्यापी महामारीको रूपमा फैलिएको कोरोना भाईरसका कारण देशबाहिर र देशभित्रका सम्पूर्ण खेलकुद गतिविधि ठप्प भएको अवस्थामा पर्बतको कुश्मामा रहेका  ब्याडमिन्ट्न हलमा भने खेल रोकिएको छैन । दैनिक ब्याडमिन्ट्न खेल्न जाने र आउनेक्रम लकडाउन शुरु भएको केहि दिनदेखि नै जारी छ त्यो पनि बिनापासका सबारी साधनमा । सुरक्षानिकायको नजिकै रहेका दुईवटा ब्याडमिन्ट्न हलमा खेल भैरहदा अहिले सम्म प्रशासन मौन छ ।

अहिलेको परिस्थितीमा जिमहल,सिनेमाहल,पार्टी, सभा गोष्ठी,भिडभाड जम्माहुने र सम्पूर्ण खेलकुद गतिविधिहरु बन्द भएको अवस्थामा यहाँको खेल भने दैनिकी जारीनै रहेको छ । केहिदिन अगाडी बिहान मर्निग वाक जाने व्यक्तिहरुलाई रोक लगाएको प्रशासनले ब्याडमिन्ट्न खेललाई किन रोकेको छैन यो चासो को विषय बनेको छ । नाम नबताउने सर्तमा एकजना ब्याडमिन्टन खेलाडीले दैनिक बिहान ३०,३५ जना खेल्न आउने हाम्रो सूचनाकेन्द्र डटकम लाई बताउनु भयो। नेपालमा पनि दैनिक कोरोना संक्रमित बढिरहेको अबस्थामा बेलैमा सचेत हुन जरुरी छ। यो समाचार तयार पर्दा सम्म नेपालमा कोरोना संक्रमित हुनेहरुको संख्या २७८ पुगेको छ ।

लाेक कल्याणकारी