काठमाडौ । विश्वभर संकटका रुपमा देखा परेको कोरोना भाइरसका कारण चीन आलोचना खेप्दै आएको छ । चीनको वुहान शहरबाट सुरु भएको भनिएको कोभिडी–१९ ले अहिले विश्वभरका १० लाख ३९ हजार भन्दा संक्रमित भएका छन् । यस प्रकोपबाट ज्यान गुमाउनेहरुको संख्या पनि बढेर ५५ हजार भन्दा धेरै भएको छ । चीनको मासु बजारबाट फैलिएको भनिएको कोरोनालाई चीनले अमेरिकाबाट आएको आरोप लगाउँदै आएको छ ।

भिडियो हेर्न यहाँ क्लिक गर्नुहोस् । subscribe मा क्लिक गरेपछि सँधै भिडियो हेर्न पाईनेछ । नजिकैको बेल (घण्टि) मा थिचे अपलोड गर्नासाथ पहिलो दर्शक बन्न पाउँनुहुनेछ ।

अमेरिकाले त कोरोनालाई चिनिया र वुहान भाइरस भन्दै आएको थियो । तर पछि अमेरिकाले पनि कोरोना अर्थात कोभिड–१९ भन्न थाल्यो । चीनले अमेरिकी सेनाले भाइरस ल्याएर वुहानमा छोडेको आरोप लगाएको छ । अर्का थरी मान्छेहरु चिनियाँहरुको खानपानका कारण संकट उत्पन्न भएको विश्वास गर्छन । यो बीचमा खबर आएको छ कि चीनको सेन्जेन सहरमा कुकुर तथा बिरालोको मासु खान प्रतिबन्ध लगाइएको छ । योसँगै सेन्जेन कुकुर बिरालोको मासुलाई प्रतिबन्ध लगाउने चीनको पहिलो सहर भएको छ । कोरोना भाइरसको महामा रीलाई मध्यनजर गर्दै सहर प्रशासनले यस्तो निर्णय गरेको समाचार बाहिर आएको छ ।

अझ कोरोना भाइरसको उद्गमस्थलको रूपमा रहेको वुहान सहरस्थित जंगली जनावरहरूको मासु बेच्ने बजारबाटै कोरोना भाइरस फैलिएपछि चिनियाँहरूको खानपानप्रति विश्वले गम्भीर प्रश्न उठाएका छन् । त्योसँगै चीनले फेब्रुअरी महिनामा जंगली जनावरको व्यापार तथा जंगली जनावरको मासु सेवनमा प्रतिबन्ध लगाइसकेको छ । तर, सेन्जेन सहरले त्योभन्दा एक कदम अघि बढ्दै कुकुर र बिरालोको मासुमा पनि प्रतिबन्ध लगायो । अर्को तिर चीनले कोरोना संक्रमित बिरामीहरूको उपचारमा भालुको पित्तको प्रयोग गर्ने अनुमति दिएको छ । चीनमा भालुको पित्तलाई पत्थरी तथा कलेजोको रोगलगायतमा समेत प्रयोग गरिन्छ । चीनले विश्वलाई पनि यो कुरा प्रयोग गर्न भनेको छ । यो सँगै चीनमा भालु लोप हुने खत्तरा बढेको छ । पशुअधिकारकर्मीहरुले चीन सरकारको यस निर्णयको खुलेरै विरोध गरेका छन् ।

लाेक कल्याणकारी