सम्राट जिसी, रुपन्देही । सेन्टी भाइरस रिलिज भैसके पछि ६ महिना यता सेलाएको सिनेमाघरहरु अहिले चारैतिर हाउसफुल भएको छ ।देशै भरि हाउसफुल रहेको निर्माण पक्षले जनाएको छ ।

फल्गुण ९ गते महाशिवरात्रीको अबसर पारेर शुक्रबारबाट प्रदर्शनमा आएको धुर्मुस सुन्तलीको निर्माणमा बनेको फिल्म ‘सेन्टी भाइरस’ले निकै राम्रो कामाइ गरेको छ । दर्शकहरुबाट राम्रो प्रतिक्रिया आएको छ ।

निर्माण पक्षले जनाए अनुसार सनिवार सेन्टी भाइरस चलचित्रले १ करोड ३५ लाखको व्यापार गर्न सफल भएको छ । दुई दिन चलचित्रले २ करोड ४७ लाख कमाएको छ ।

यश चलचित्र २ करोड लगानीमा बनेको हो । तर प्रचारप्रसार गर्दा २ करोड भन्दा बढी खर्च भएको निर्माण पक्षले जनाएको छ । पहिलो दिन चलचित्रले १ करोड १२ लाख कमाएको थियो ।

यस चलचित्रबाट आउने ५०% मुनाफा अन्तर्राष्ट्रिय क्रीकेट रंगशालालाई जाने निर्माण पक्षले जनाएको छ । यश चलचित्रमा मुख्य भुमिका सीताराम कट्टेल ( धुर्मुश ) ,कुञ्जना घिमिरे (सुन्तली), दयाहाङ राई, विल्सनविक्रम राई, बुद्धि तामाङ, राजाराम पौडेल, सन्दिप क्षेत्री, लगायतको रहेको छ । ब्लकबस्टर चलचित्र दिइसकेका रामबाबु गुरुङले यस चलचित्रलाई निर्देशन गरेका हुन । चलचित्रमा डिन्डु लामा ह्योल्मोको लगानी राएको छ ।

लाेक कल्याणकारी