सम्राट जिसी, रुपन्देही । शहीद स्मारक ‘ए डिभिजन’ लिग उपाधिका लागि अहिले त्रिभुवन आर्मी क्लब र मच्छिन्द्र क्लबबीच प्रतिस्पर्धा भइ रहेको छ । खेल साढे १ बजे दशरथ रंगशालामा सुरू भाएको हो । विभागीय टोली त्रिभुवन आर्मी क्लब १२ खेलबाट २९ अंकसहित लिगको शीर्ष स्थानमा छ भने समान खेलबाट मच्छिन्द्रको २८ अंक छ । त्यसैले आर्मीलाई उपाधि जित्न आजको खेल बराबरी मात्र भए नि पुग्छ भने मच्छिन्द्रलाई भने आर्मीलाई पराजित गर्नै दबाब छ ।
९० दिनको प्रतिबन्धमा परेका स्ट्राइकर विमल घर्तीमगर आज खेलमा मच्छिन्द्रबाट मैदान उत्रिदैछन् । गत सिजनको उपाधि विराज महर्जनको कप्तानिमा मनाङ मर्स्याङ्दीले जितेको थियो। तसर्थ पनि यो लिग अहिले मच्छिन्द्रको कप्तानी सम्हालेका उनका लागि पनि निकै महत्वपूर्ण हुनेछ। मच्छिन्द्रले जारी लिगलाई भनेर चर्चित खेलाडी अनुबन्ध गर्न मात्र करोडौ खर्च गरेको थियो । उसले राष्ट्रिय टोलीमा रहेका ७ जना खेलाडीलाई अनुबन्ध गरेको हो । चर्चित खेलाडीले भरिपूर्ण मच्छिन्द्रुलाइ यो उपाधि निकै महत्त्वपूर्ण रहेको छ ।
