गोबिन्द तिमिल्सिना, हेमजा ।हेमजा साहित्य प्रतिष्ठानको आयोजनामा हेमजामा बिद्यालय स्तरीय निबन्धलेखन प्रतियोगिता सम्पन्न भएको छ । प्रतियोगितामा केफ मा.बि का सौगात गौतम प्रथम, भूमेश्वर माविका नवराज ढुंगाना द्धितिय, धवलागिरि बोर्डिङकी सुरक्षा परियार तृतीय तथा स्नो भ्यूकी सम्झना भण्डारी र हेमजा बोर्डिङका अनिष दाहाल सान्त्वना भए । बिभिन्न बिद्यालयका ३२ बिद्यर्थीको सहभागिता रहेको प्रतियोगितामा श्रीभद्र पौडेल र लिलाधर अधिकारी निर्णायक रहेका थिए ।
कार्यक्रममा सम्बोधन गर्दै प्रमुख अतिथि हेमजा सात्यि प्रतिष्ठानका सल्लाहाकार टेकनाथ गौतमले वक्तामा बोल्ने कला हुन आवस्यक रहेको बताउदै बौद्घिक क्षमता अभिवृद्घि गर्न प्रतियोगिताले सहयोग पु¥याएको बताए । उनले प्रतियोगितालाई निरन्तरता दिन आग्रह गर्दै बालबालिकाको प्रतिभा प्रष्फुटन हुने क्षेत्रमा लगानी गर्न आफू तयार रहेको बताए ।
स्वतन्त्र पत्रकार संघ कास्की अध्यक्ष असफल गौतमले प्रतियोगितामा सहभागी हुनु नै विद्यार्थीको सफलता भएको उल्लेख गरे । कार्यक्रममा माछापुच्छे« मावि ढिकुरपोखरीका शिक्षक शालिकग्राम अधिकारी, भूमेश्वर माविका विद्यार्थी नवराज ढुंगाना र महेन्द्र माविकी विद्यार्थी वर्षा क्षत्रीले आफनो भनाइ राखेका थिए ।
सोही समारोहबीच विद्यार्थीलाई उद्घोषण तालिम समेत दिइएको थियो ।उक्त तालिममा स्वतन्त्र पत्रकार संघ कास्की अध्यक्ष असफल गौतमले सहजीकरण गरेका थिए । प्रतिष्ठान अध्यक्ष कृष्णप्रसाद पौडेलको अध्यक्षतामा भएको कार्यक्रमको संचालन केफ माविकी छात्रा ममता क्षत्रीले गरेकी थिइन् ।
