काठमाडौं । इरानमा सरकार विरोधी प्रदर्शन सुरु भएको छ । इरानले आफ्नो मानविय कमजोरीका कारण युक्रेनको विमान दुर्घटना भएको बताएलगत्तै इरानभर प्रदर्शन भएको छ । हजारौं प्रदर्शनकारीले विमान दुर्घटना प्रकरणमा झुट बोलेको भन्दै इरानका सर्वोच्च नेता आयातुल्ला अली खमानेइको राजीनामा माग्दै नाराबाजी गरेका हुन् ।
अधिकारीहरुप्रति क्रो’ध रोक्न उनीहरुले झुट बोलेको प्रदर्शनकारीको आरोप छ । दुईवटा विश्वविद्यालयअघि भेला भएर प्रदर्शनमा उत्रिएकाहरुलाई प्रहरीले बल प्रयोग गरेर तितरबितर पारेको पनि जानकारी दिइएको छ ।
इरानी सेनाले गत बुधबार युक्रेनको बोइङ आफ्नै कमजोरीले दुर्घटनामा परेको स्वीकार गरेको थियो । उक्त दुर्घटनामा एक सय ७६ जनाको मृत्यु भएको थियो । युक्रेनको अन्तर्राष्ट्रिय एयरलाइन्सको विमान तेहरानको इमाम खमेनी एयर्पोट नजिकै क्षे’प्यास्त्र हानी दुर्घटना गराइएको थियो ।
अघिल्लो साता अमेरिकी सेनाले गरेको हवाइ कारवाही इरानी सैन्य कमाण्डर कासेम सोलेमानी मा’रिएपछि इरान र अमेरिकाबीच सम्बन्ध खराब भएको छ । अमेरिकी कारबाहीको जवाफ लिने भन्दै इरानले इराकमा हमला गरेको थियो । यो बीचमा भुलवश एक क्षे’प्यास्त्र बोईङतर्फ तेर्साइएको थियो । एजेन्सी
