बैकुण्ठ गिरी, पर्वत । लोक, भजन, दोहोरी, गजल सालैजो जस्ता अनेक तरिकाका गितहरु गाउन सफल भएका नेपाली सांगितिक क्षेत्रका अब्वल गायक थानेश्बर गौतमले यी प्रकारका गितहरुपछि कमेडीमा पनि जम्न थालेका छन् । फरक फरक तरिकाका गित संगितले लाखौं लाख दर्शक श्रोताहरुको मनमुटुमा बस्न सफल रहेका गायक गौतमले यसपाली भने कमेडी शैलीको गित सिन्की मस्यौरा बजारमा लिएर आएका छन् ।।

गौतमको नयाँ गीत बजारमा आएको केहि दिन मात्रै भएको छ तर गितको लोकप्रियताले आकाश छोएको छ । गएको साता मात्रैसार्वजनिक भएको सिन्की मस्यौरा बोलको गीतको भिडियो दर्शकलेअत्याधिक रुचाएका छन् र हजारौंले गितलाई हेरी सकेका पनि छन् । युटुबमा भन्दा गित धेरै रेडियो, टेलिभिजनहरुमा बजिरहेको छ ।

यस गीतमा दुर्गा पौडेलको शव्द रहेको छ भने संगीत गायक थानेश्वर गौतमकै रहेको छ । हरि केसीको परिकल्पनामा तयार भएको यस गीतमा उदयराज पौडेलले एरेन्ज र किशोर थापाले मिक्सीङ गरेका छन् । यस गीतको भिडियोमा गायक गौतमसहित किशोर भण्डारी, रेश्मा तिमिल्सीना,गरिमा तिमिल्सीना, कुमार न्यौपाने र राधाकृष्ण सापकोटा लगायतका कलाकारको असभिनय रहेको छ । यस गीतको भिडियोलाई किशोर भण्डारीले निर्देशन गरेका छन् ।

लाेक कल्याणकारी