काठमाडौँ । नेपाली लोक दोहोरी गितको क्षेत्रमा हरेक पटक आफुलाई सफल गायकको सुचीमा राख्दै आएका याम क्षेत्रीले फेरी अर्को गित बजारमा ल्याएका छन् । यसपाली क्षेत्री र गायिका सुनिता दुलालको लोकदोहोरी गीत ‘वास्तै नगर्नी’ को भिडियो सार्वजनिक हो ।

कर्ण चापागाईंको शब्द तथा बसन्त थापाको संगीत रहेको उक्त गीतमा गायिका दुलाल र गायक क्षेत्रीको युगल आवाज रहेको छ भने बसन्त थापा, बिक्रम परियार, सरिता कार्की र सिता श्रेष्ठले पनि ग्रुपमा गीत गाएर साथ दिएका छन् । गितमा माया प्रेमका कुरा निकै मिठास तरीकाले गरिएको छ ।

प्रकाश भट्टले निर्देशन गरेको गीतको भिडियो ज्ञानेन्द्र शर्माको छायांकन रहेको छ भने बिष्णु शर्माले सम्पादन गरेका हुन् । उक्त भिडियोमा दिक्पल कार्की र नम्रता सापकोटाको अभिनय रहेको छ । गायिका सुनिता दुलालकै युट्युब च्यानलमार्फत गीतको भिडियो सार्वजनिक गरिएको छ ।

लामो समयको अन्तरालपछि गायीका दुलालसँग सहकार्य गरेर गीत बजारमा ल्याएको गायक क्षेत्रीले सुचनाकेन्द्र डटकमलाई जानकारी दिएका छन् । माया प्रेमका भौगोलिक परिवेशलाई ओगटेर यस गीतले मौलिक लोक संस्कृतिको संरक्षण गरेको उनले दाबी गरे । गायिका दुलाल अहिले चल्दै गरेको रियालिटी शो नेपाल लोक स्टारको निर्णायक समेत छन् भने गायक क्षेत्री देश बिदेशका बिभिन्न कार्यक्रममा निकै ब्यक्त रहेका छन् । ।

लाेक कल्याणकारी