सुचनाकेन्द्र संवाददाता प्रकाशित : २०७६/५/६ गते
गोबिन्द तिमिल्सिना, हेमजा ।
कास्की जिल्ला बुद्धिचाल संघको आयोजनामा पोखरामा ११ औ खुल्ला स्कुल स्तरिय बुद्धिचाल प्रतियोगिता बिहिबार सुरु भएको छ । प्रतियोगिता यहि भाद्र ७ गतेसम्म हुनेछ ।
कार्यक्रमको उद्घाटन गर्दै प्रमुख अतिथि नेपाल बुद्धिचाल संघका सदस्य बाबुराम पन्तले खेलले बिद्यर्थीलाई मानसिक रुपमा तन्दुरुस्त बनाउनुको साथै धैरेवान र होसियार बन्न सिकाउने बताए । जिल्ला खेलकुद बिकास समिति कास्की प्रमुख प्रकाश बरालले शुभकामना दिएको प्रतियोगितामा २८ बिद्यालयका १८५ बिद्यर्थीको सहभागिता रहेको छ ।
कास्की जिल्ला बुद्धिचाल संघका अध्यक्ष सुक्र कुमार प्रधानको अध्यक्षतामा भएको कार्यक्रममा स्वागत उपाध्यक्ष मिनराज तिमिल्सिनाले र सञ्चालन सचिब युवराज भण्डारीले गरे ।
