एजेन्सी। पेरिस सेन्ट–जर्मेनले आर्सनललाई पेनाल्टी सुटआउटमा ४–३ ले पराजित गर्दै लगातार दोस्रो पटक युइएफए च्याम्पियन्स लिगको उपाधि जितेको छ। बुडापेस्टमा भएको फाइनल निर्धारित समय र अतिरिक्त समयको खेल १–१ को बराबरीमा सकिएपछि खेलको निर्णय पेनाल्टीमार्फत भएको थियो। खेलको सुरुआतमै काइ हाभर्ट्जले गोल गर्दै आर्सनललाई अग्रता दिलाएका थिए। तर दोस्रो हापको ६५ औं मिनेटमा आर्सनलका क्रिस्थियन मोस्केराले फउल गरेपछि पीएसजीले पेनाल्टी पायो। डेम्बेलेले त्यसलाई गोलमा परिणत गर्दै खेल १-१को बराबरीमा ल्याए । अतिरिक्त समयमा दुवै टिमले उत्कृस्ट खेल खेले पनि कुनै टिमबाट पनि गोल हुन नसकेपछि खेल पेनाल्टी सुटआउटमा पुगेको थियो।

पेनाल्टीमा पीएसजीका खेलाडीहरू बढी सफल देखिए र ४–३ को जित निकाल्दै लगातार दोस्रो वर्ष युरोपेली क्लब फुटबलको सबैभन्दा ठूलो उपाधि आफ्नो नाममा लेखाए।यससँगै प्रशिक्षक लुइस एनरिकेको टोलीले च्याम्पियन्स लिगमा आफ्नो प्रभुत्व कायम राख्दै पुनः युरोपको सर्वश्रेष्ठ क्लब बन्न सफल भएको छ।

लाेक कल्याणकारी