पर्वत  । प्रतिनिधि सभा सदस्य सागर भुसालले पर्वत जिल्लाको समग्र विकासलाई आफ्नो पहिलो प्राथमिकता भएकाे बताउनुभएकाे छ। नेपाल पत्रकार महासंघ पर्वत शाखाका पदाधिकारी तथा पत्रकारहरूसँग भएको भेटघाट तथा छलफल कार्यक्रममा उनले जिल्लाका जनसरोकारका विषयलाई केन्द्रमा राखेर काम गरिरहेको उल्लेख बताउनुभयाे ।

पत्रकारहरूले जिल्लामा बढ्दो बादर आतंक, बडागाउँ खेलकुद मैदानको निर्माण तथा व्यवस्थापन, कालिगण्डकी नदी दोहन जस्ता विषयमा सांसद भुसालको ध्यान आकर्षित गराएका थिए। स्थानीयस्तरमा ती विषयले नागरिकमा चिन्ता बढाइरहेको भन्दै समाधानका लागि प्रभावकारी पहल आवश्यक रहेको धारणा पत्रकारहरूले राखेका थिए।

सांसद भुसालले जनताको समस्या समाधान र विकास निर्माणका विषयलाई सम्बन्धित निकायमा एजेण्डाका रूपमा उठाइसकिएको जानकारी दिए। उनले जिल्लाको दीर्घकालीन विकासका लागि पूर्वाधार, कृषि, पर्यटन, खेलकुद तथा वातावरण संरक्षणका क्षेत्रमा योजनाबद्ध रूपमा काम अगाडि बढाइने बताउनुभयाे ।

सांसद भुसालले सञ्चार क्षेत्र लोकतन्त्रको महत्वपूर्ण अंग भएको उल्लेख गर्दै स्वतन्त्र, निष्पक्ष र जिम्मेवार पत्रकारिताले समाजलाई सही दिशामा अघि बढाउन ठूलो भूमिका खेल्ने धारणा व्यक्त गरे। उनले पत्रकार र जनप्रतिनिधिबीच सहकार्य र समन्वय आवश्यक रहेकोमा जोड दिनुभयाे।

कार्यक्रममा जिल्लाको विकास, सुशासन, जनहित तथा  विविध विषयमा पत्रकार र सरोकारवालाबीच सकारात्मक छलफल भएको थियो।

लाेक कल्याणकारी