पर्वत ।ब्लकबस्टर निर्देशक सरोज पौडेलको बहुप्रतिक्षित चलचित्र ‘सिन्दुरे जात्रा’को छायांकन सुरु भएको छ। शुक्रबार शुभमुहूर्त गर्दै पर्वतको कुश्मा नगरपालिका–१४ आर्थर डाँडाखर्कबाट चलचित्रको औपचारिक छायांकन थालिएको हो।

सारंगी फिल्म्सको प्रस्तुतिमा निर्माण हुन लागेको चलचित्रमा विजय बराल, अञ्जना बराइली तथा विनोद न्यौपाने लगायत कलाकारहरूको अभिनय रहनेछ। निर्देशक पौडेलका अनुसार चलचित्रको छायांकन करिब ३५ दिनसम्म चल्नेछ।

‘पूर्णबहादुरको सारङ्गी’पछि निर्देशक सरोज पौडेल, विजय बराल र अञ्जना बराइलीको यो दोस्रो सहकार्य हो। अघिल्लो चलचित्रको ऐतिहासिक सफलतापछि दर्शकमाझ ‘सिन्दुरे जात्रा’लाई लिएर ठूलो अपेक्षा गरिएको छ।

निर्देशक पौडेल स्वयंको लेखन रहेको चलचित्रलाई उत्कृष्ट बनाउन निर्माण टिमले कुनै कसर बाँकी नराख्ने जनाएको छ। कुश्मा–१४ आर्थर डाँडाखर्कबाट सुरु भएको छायांकनले पर्वतमा चलचित्रकर्मको उत्साह थपिएको छ।

लाेक कल्याणकारी