काठमाडौं । निर्माता तथा निर्देशक प्रेम सोनी सुनारले निर्माण गरेको नेपाली कथानक चलचित्र गुरुआमाको टिजर सार्वजनिक भएको छ । सुनारले आफ्नो जन्मदिनको अवसर पारेर एक मिनेट तीन सेकेण्ड लामो टिजर आफ्नै आधिकारिक युट्युब च्यानलमार्फत सार्वजनिक गरेका हुन् ।

टिजर सार्वजनिक गर्दै सुनारले भनेका छन्, ‘आज मेरो जन्मदिनको विशेष अवसरमा हाम्रो बहुप्रतीक्षित चलचित्र ‘गुरुआमा’ को टिजर सार्वजनिक गर्दै कथाको सानो झलक मात्र प्रस्तुत गरेका छौं ।’ उनले दर्शक, दाजुभाइ–दिदीबहिनी, साथीभाइ तथा आदरणीय शिक्षकहरूलाई टिजर हेरेर प्रतिक्रिया दिन आग्रह गरेका छन् ।

निर्माता सुनारका अनुसार चलचित्र मनोरञ्जनका लागि मात्र नभई करिब दुई घण्टाको जीवन पाठ बोकेको कथा हो । उनले सबैले चलचित्र हेरेर साथ दिने विश्वास व्यक्त गर्दै दर्शकमाझ यसको सन्देश पु¥याइदिन आग्रह गरेका छन् ।

चलचित्र गुरुआमा आगामी वैशाख २५, २०८३ देखि देशभर प्रदर्शनमा आउनेछ । सोनी फिल्मस प्रा।लि। को ब्यानरमा निर्माण भएको यस चलचित्रमा कथा तथा निर्देशन पनि स्वयं प्रेम सोनी सुनारले नै सम्हालेका छन् । उनले नेपाली समाजमा शिक्षकले खेलेको अदृश्य तर महत्वपूर्ण भूमिकालाई कलात्मक ढंगले पर्दामा उतार्ने प्रयास गरेको बताएका छन् ।

चलचित्रमा मिथिला शर्मा, वुद्धि तामाङ, प्रेम सोनी सुनार, सुशील पोखरेल, धुर्व कोईराला र टिका सानुको मुख्य भूमिका छ । त्यस्तै अतिथि कलाकारका रूपमा गौरी मल्ल र पूजा शर्माको विशेष उपस्थिति छ ।

यसका साथै उत्तम केसी, राधिका हमाल, बालचन्द्र बराल, गिरीप्रसाद पुन, उषा कार्की, पदम थापा, केपी बागदश, टंक मरासिनी, जस्मिन मगर, सदिक्षा शर्मा, आदर्श गहतराज, अर्नब घिमिरे, सफल पौडेल, विश्वास नेपाल, कमला परियार, उदय अतित, सुमन विश्वकर्माको अभिनय पनि छ ।

निर्माण पक्षका अनुसार चलचित्रले शिक्षक–विद्यार्थी सम्बन्ध, त्याग, संघर्ष र सम्मानका कथालाई मार्मिक ढंगले प्रस्तुत गर्नेछ । शिक्षा क्षेत्रसँग प्रत्यक्ष सरोकार राख्ने विषयवस्तु, अनुभवी कलाकारको सहभागिता र सशक्त सन्देशका कारण चलचित्र अहिले नै दर्शकमाझ प्रतिक्षित बनेको छ ।

लाेक कल्याणकारी